Home Notisia Estrada Iha Suku Taiboco-RAEOA Kondisaun Aat, Difikulta Agrikultór Sira Asesu Merkadu

Estrada Iha Suku Taiboco-RAEOA Kondisaun Aat, Difikulta Agrikultór Sira Asesu Merkadu

1446
0
Kondisaun estrada aat iha suku Taiboco. [Foto: Colo | 16.06.2022]

Reportajen Francisco Colo

Xefe suku Taiboco Joaquin Tafin preokupa ba estrada hosi diresaun Suku Taiboco, ba Postu Administrativu Nitibe, ne’ebé difikulta komunidade susar lori sira nia produtu ba merkadu.

Preokupasaun ka suku Taiboco enfrenta iha suku Taiboco  liuliu Estrada kuaze durante fulan hirak ba kotuk kotuk ami nia komunidade barak  mak la assesu lori sira nia produtu mai merkadu tanba Estrada ladiak, karik sira lori produtu ne’ebé mak sira lori hanesan tomate dodok hotu tanba Estrada ladiak sira mós lahalo buat ida.” Dehan xefe suku Taiboco,  Joaquin Tafin ba jornalista Neon Metin iha Palaban,14/06/2022.

Populasaun iha suku Taiboco maioria moris nu’udar agrikultór, tempu agora sira hakarak lori produtu mai merkadu, maibe tanba estrada ladiak sira faan mós iha merkadu lokál, tanba suku Taiboco iha merkadu iha Neof Nua no Nitibe.

Dala ruma sira hosi ne’e ba hola tomati iha nitibe maibe Estrada ladiak entaun afeta ba produtu tomati hetan estragus, Iha Estrada kilometre 80 resin”  tenik xefe suku Taiboco

Entretanto estrada kuaze hosi suku 5 postu Nitibe sira mai vila, tenke liuhosi suku Taiboco, bainhira Estrada att sira mós labele asesu.

Xefe Suku Taibaco RAEOA, Joaquim Tafin. [Foto: Colo | 16.06.2022]

Entretanto Xefe Suku Taiboco hato’o ona preokupasaun ne’e liuliu proposta ba parte Relevante liuliu Obras publikas atu bele normaliza hikas Estrada refere.

 “Ha’u halo ona pedidu hato’o mai obras publika liuliu departamentu IGE atu halo normaizasaun Estrada maibé to’o agora tanba haree mos tempu tanba sira nia razaun manutensaun mina mak seidauk iha atu bele tun direita hadia estrda ne’ebé ke at ho razaun hirak ne’e foin dadauk ami nia mahein sakradu korasaun de jesus la’o haleu ami nia aldeia ha’u rasik mobiliza komunidade atu hadia netik Estrada maibé ne’e la garanti katak atu diak totál.” Informa xefe  suku Taiboco   Joaquin Tafin.

Tuir observasaun jornalista Neon Metin iha terenu nota katak Estrada, liuliu ponte balun ameasa besik atu kotu ona, hanesan iha aldeia Nemun Bairo Bi-Unu ,ponte ida amesa besik atu kotu no iha Aldeia Ulas Oelelo estrada ameasa atu kotu.  Estrada  att difikulta ba transporte publiku atu tula komunidade sira lori produtu ba merkadu.

Print Friendly, PDF & Email

LEAVE A REPLY

Please enter your comment!
Please enter your name here