Home Notisia Konflitu Akontese Iha Rai Laran, Taur Apelu Hodi Evita Tanba La Lori...

Konflitu Akontese Iha Rai Laran, Taur Apelu Hodi Evita Tanba La Lori Benefísiu Ba Ema nia Moris

144
0
Primeiru Ministru Taur Matan Ruak. [Foto: David | 24.01.2023]

Reportajen David da Costa

Relasiona ho konfrontasaun ne’ebé maka kontinua akontese iha rai laran, Primeiru Ministru, Taur Matan Ruak no nu’udar mós Ministériu Interior (MI), apela ba ema hotu atu evita konflitu sira ne’e, tanba  konflitu sira la lori benefísiu ba ema ida nomós ba sira halo problema.

Taur dehan konflitu ne’e nunka lori benéfísiu ba ema ida, nem sira ne’ebé halo problema, nem sira ne’ebé sofre konsekuénsia la lori, entaun pelu kontráriu lakon tempu, lakon sasán barak afeta.

“Ita lakohi konflitu akontese iha ita nian rain. Ha’u nia konsellu apelu ha’u nia pedidu evita konflitu sira ne’e,” Dehan Taur Matan Ruak Iha Palásiu Prezidensiál, Bairo-Pite, Tersa 24/01.

Nia haktuir, iha instituisaun estadu ne’ebé vokasionadu atu intervein iha konflitu sira ne’e lori suspeitu, autór sira ba sira nia aktu. Hanesan kazu rua, iha Elemloi autór ne’e kapturadu, ponte Habibie ne’e mós kapturadu ona.

Iha fatin hanesan Eis Jeneral Reformadu, Lere Anan Timor dehan ohin informa kazu  horseik baku malu no tuda malu ba Prezidente Republika, para buka solusaun ba probelma sira ne’ebé maka joven sira halo ne’e. Tanba iha Timor-Leste iha estadu no iha órgaun sobernia haat, bele responde ba situasaun rai laran, labele sai pesimizmu para krime ne’ebe dominia fali Timor.

“Joven sira baku malu ita tenke buka ninia kauza, saida maka halo. Ita labele sai pesimizmu para krime ne’e dominia fali ita, ita tenke halo oinsa para halakon krime ne’e importante liu”, nia informa.

Print Friendly, PDF & Email

LEAVE A REPLY

Please enter your comment!
Please enter your name here