Home Notisia MCC Sei Apoiu Projetu Agua Saneamentu no Edukasaun Ho Orsamentu 275 miliaun

MCC Sei Apoiu Projetu Agua Saneamentu no Edukasaun Ho Orsamentu 275 miliaun

180
0
Diretor Executivu CDT- TL, Constancio Conseicao Pinto. [Foto: Francisco JDA | 12.01.2021]

Reportazen Francisco JDA

Compact Development Team Timor Leste (CDT- TL) hala’o enkontru ho Ministro Presidensia Conselho Ministro, Fidelis Leite Magalahes hodi informa atividade CDT- TL no ko’alia mós kona ba apoio Milenium Challenge Corporation (MCC) hosi Amérika mai Timor-Leste, nune’e tuir planu fulan Julhu  sei asina akordu ho Estadu Unidus Amérika ba apoio projetu rua mak hanesan Agua e Saneamentu Drinajen no Seitor Edukasaun ho osan montante $275 miliaun, maibé atu apoio ho osan ne’e sei depende ba estudu viabilidade

Diretor Executivu CDT- TL,  Constancio Conseicao Pinto ba jornalista sira hateten atividade ne’ebé CDT-TL hala’o tiha ona mak oinsá kompleta estudu viabilidade ba projeto rua mak Edukasaun no Agua Saneamentu Drinajen hein katak tempu badak ne’e bele kompleta liu tan.

“Se karik COVID-19 ne’e la iha mak iha fulan Outubro 2020 ita asina tiha ona kontratu ho Estadu Unidus Amérika, infelismente tanba COVID entaun la konsege, nune’e iha tinan kotuk ami halo mak oinsá kompleta estudu viabilidade ba projeto rua ne’e,  hein katak bele kompleta estudu viabilidade ba iha tempu badak nune’e fulan Junho nia laran buat hotu la’o di’ak ita bele asina”, hatete Diretor Executivu CDT- TL Constancio Conseicao Pinto, iha Palasio Governu, 12/01

Nia reforsa tan impedimentu ba Timor-Leste mak tekniku sira mai hosi rai liur hanesan Amérika no Austrália labele halo viajen mai Timor atu halo instalasaun ba ekipamentu  o halo estudu ba projeto rua ne’e tanba relasiona ho COVID-19.

Nia dehan CDT- TL mós serbisu hamutuk ho Ministeriu Obras Publikas no Ministeriu Edukasaun, Juventude no Desport no Ministeriu relevante seluk atu oinsá mak bele dudu prosesu ne’e ba oin,  nune’e bele fo duni investimentu di’ak ba nasaun ne’e.

LEAVE A REPLY

Please enter your comment!
Please enter your name here