Home Uncategorized Covid-19, Vitima Violasaun Direitu Umanus Pasadu Moris Vulneravel, Presiza Asistensia

Covid-19, Vitima Violasaun Direitu Umanus Pasadu Moris Vulneravel, Presiza Asistensia

380
0
Diretor Asia Justice and Rights (AJAR), Jose Luis Oliveira. [Foto: Francisco JDA | 08.05.2020]

Reportazen Zevonia Vieira

Relasiona ho situasaun moras Covid-19 iha Timor-Leste fo impaktu ba situasaun sidadaun ne’ebe mak vulneravel, liuliu ba vitima violasaun direitu umanus iha pasadu.  Liu hosi konferensia imprensa iha FONGTIL, Diretor Asia Justice and Rights (AJAR), Jose Luis Oliveira ba jornalista sira hateten organizasaun direitu umanus hanesan AJAR, Asosiasaun Chega! Ba Ita (ACbit), Asosiasaun Vitima Konflitu Politiku 1974-1999 no Asosiasaun HAK halao survey ba situasaun maluk sobrevivente ka vitima violasaun direitu umanus pasadu ne’ebe mak moris vulneravel iha situasaun Covid-19.

“Sira nia kondisaun vulneravel tebes, tanba uluk hetan violasaun direitu umanus (ne’ebe halakon tiha sira nian kbiit ka oportunidade atu moris hanesan ema babain) no agora seidauk hetan reparasaun hosi Estadu”, hateten Jose Luis Oliveira, 08/05.

Jose Luis mos hateten sobrevivente sira nudar sidadaun patriota hotu ba nasaun ne’e, maibe tanba laos ex-kuadru rejistensia mak la tama ba programa Martirs no veteran sira. Iha situasaun estadu emerjensia halo sira moris susar liutan, tanba ne’e mak fo atensaun prioridade ba sira.

Diretor AJAR informa katak sei mak sai vitima violasaun direitu umanus iha pasadu mak populasaun sivil ne’ebe terus hosi aktu violasaun direitu umanus ne’ebe akontese durante konflitu politika iha tinan 1974-1999.

Ema sira ne’e nudar vitima tortura, violasaun sexual, vitima no familia vitima hosi masakre hosi masakre sira, vitima ema lakon no seluk-seluktan.

Sira populasaun sivil laos ex-kuadrus da rejistensia nune’e agora laos benefisiariu hosi pensaun veteranu ka eiz kombatente.

Neon Metin halo konfirmasaun iha ona ajudus hosi Centro Nasional Chega! (CNC) ba vitima violasaun direitu umanus pasadu nian? Ba Neon Metin Jose Luis hatan halo ona aprosimasan bebeik no horseik hetan ona resposta.

“Esforsu ne’ebe mak ami halo hetan duni resposta katak CNC promote sei fo $600, hodi sosa fos fahe ba sira ne’ebe mak urjente. Iha semana kotuk ami mobiliza ajudus mai hosi kompania RMS hosi Australia, sira fo $100 sosa kedas fos no lori kedas ba Quelikai tanab Quelikai mak fatin izoladu no urjente tebes”, hateten Jose Luis iha FONGTIL 08/05

Jose Luis mos hateten sei submete dadus ba Ministeriu Solidariedade Sosial no Inkluzaun (MSSI) atu bele fo prioridade ba maluk sobrevivente sira.

Rezultadu hosi survey mak mai hosi municipiu 12 no RAEOA total nain 136. Hosi dadus ne’ebe iha hatudu katak sobrivivente ne’ebe hetan impaktu hosi estadu emerjensia ne’ebe lakon rendimentu hamutuk 135 no afeta relasaun familiar nain 1.

Ba nesesidade urjente mak hanesan hanesan Ai-han ema nain 136, ba saude nain 5, edukasaun nain 10, serbisu ka fila liman iha basar nain 19 no konseling nain 1.

Dadus mos hatudu katak sobriventen sira ne’ebe hetan ona asistensia ka ajudus total nain 4 no sedauk hetan hamutuk nain 132.  Sobriventen nain 4 ne’ebe hetan ajudus hosi organizasaun sosiadade sivil, maibe hosi governu, organizasaun relijiozu, kompania no partidu politiku sira sedauk hetan asistensia ruma.

LEAVE A REPLY

Please enter your comment!
Please enter your name here