Home Justisa Advogadu Hildegardis Hato’o Vitima Topu Honis nia Lian, “Ami Ko’alia Sai Saida...

Advogadu Hildegardis Hato’o Vitima Topu Honis nia Lian, “Ami Ko’alia Sai Saida Mak Ami Hetan”

6923
0
Advogadu Privadu Dra. Hildegardis Wondeng. [Foto: David | 21.12.2021]

Reportajen David da Costa Gusmao

Reprezentante Lezada (vítima) nian, Advogadu Privadu Dra. Hildegardis Wondeng deklara katak reprezentante vitima, mai iha nia ohin, hodi hato’o lezada sira nia lian rasik ba iha komunidade tomak. Liafuan sira ne’e vitima rasik husu atu koalia sai.

“Ami mai iha públiku nia oin hodi hato’o vítima sira-nia lian rasik ba komunidade tomak.Liafuan sira-ne’e vítima rasik husu ami atu ko’alia sai ba públiku,” dehan Advogadu privadu husi parte lezada nian, iha Tribunal Distritál Oe-cusse, Tersa 21/12.

Nia haktuir vitima nia menjasen mai sira katak, nu’udar labarik no feto bele duni hamriik metin, no uza nia direitu hodi ko’alia saida mak loos no saida mak la loos.

“Mensajen husi vitima, ami nu’udar labarik no feto bele duni hamriik metin, no uza ami-nia direitu hodi ko’alia saida mak loos no saida mak la loos.Ami hakarak fó hatene ba Atoni oan sira, imi fiar ami, tanba saida mak ami hetan ami hatene no ami sente rasik. Ami koalia sai saida mak ami hetan. Ami la bosok, ami la foti lia arbiru. Ha’u koko buka maibé la hetan liafuan ka fraze ne’ebé bele reflete destruisaun ne’ebé nia halo ba ha’u no jerasaun ba jerasaun labarik sira, terus ne’ebé nia lori ba ami-vítima no ami-nia família no manipulasaun nia halo ba komunidade iha Oecusse no Timor-Leste tomak,” reprezentante haktuir Vitima nia mensajen.

Iha lejada nia mensajen ne’e, nia reprezentante salienta tan katak, “Ha’u hakarak ami hotu hetan liberdade, no la sente ona terus iha futuru. Ha’u hakarak la’o ba oin livre husi kanek ne’ebé RD halo mai ha’u”.

lezada dehan iha mensajen ne’e katak, arguidu merese kastigu todan loos, haree saida mak nia halo hasoru “ami labarik-feto,”

“Ha’u hakarak arguidu ba prizaun duni tanba nia merese, no espera bainhira nia iha prizaun laran to’o ikus nia bele hatene terus ne’ebé nia halo mai ami, no aprende hosi ninia sala. Liu-hosi kastigu ba nia sei ajuda ami atu rekupera no bele moris iha paz nia laran. Liuhosi kastigu mós hatudu katak saida mak nia halo ne’e sala”. hateten Hidelgarids

Nia dehan vitima husu ba tribunál, juiz sira, advogadu, prokurador no ema hotu ne’ebé rona desizaun ohin,  espera katak ita boot sira idaidak sei loke matan no neon katak hahalok  RD halo “hasoru ami a’at loos”.

“Ha’u mós hakarak agradese ba ema hotu ne’ebé esforsu hodi lori rezultadu ohin loron iha kazu ida-ne’e. Kazu ne’e la’o durante tinan 3 besik tinan 4 ona, ha’u fiar ita hotu kolen no presiza deskansa. Ha’u husu ba ema sira ne’ebé suporta Am Pater: loke imi-nia hanoin hodi haree katak la devia ema ida moris iha trauma nia laran, tanba ema seluk halo tuir ninia hakarak no hadau labarik nia kontente liuhosi ninia hahalok a’at. Ami la’ós haluha ninia di’ak. Ami hanoin nafatin. Ami mós sei nunka haluha ninia hahalok a’at mai ami,” dehan Hildegardis

Advogadu privadu vitima dehan “Liafuan sira ne’ebé ha’u fó-sai liafuan rasik hosi ami-nia kliente sira”.

Print Friendly, PDF & Email

LEAVE A REPLY

Please enter your comment!
Please enter your name here