Home Notisia Prioridade Ba Dr. Rui Gomes Investe Iha Kontas Publikas Hodi Koidadu Povu...

Prioridade Ba Dr. Rui Gomes Investe Iha Kontas Publikas Hodi Koidadu Povu nia Osan

272
0
Atual Ministru Finansas, Dr. Rui Gomes. [Foto: Media PR | 23.11.2020]

Reportazen Santina Lucia da Costa

“Ita tenke halo intervensaun ne’ebé pontual atu ajuda ekonomia ne’e tama fila-fali iha nia dalan ba”. Dr. Rui Gomes.

Aktual Ministru Finansas, Dr.  Rui Gomes hafoin simu posse hodi kaer pasta Ministeriu Finansas, ba jornalista sira hateten sente kontente simu kna’ar  ne’e maibé preokupa uitoan Timor-Leste sei hasoru dezafiu boot no halooinsa maka garantia estabilidade ekonomia  pais ida ne’e.

“Ha’u nia sentimentu kontente, mos hanesan preokupa uituan tanba  ita sei hasoru dezafiu boot,  halo nusa maka ita garante estabilidade ekonomia sosial pais ida ne’e nian, halo nusa maka ita bele garante estabilidade ekonomika. Konserteza tenke hanoin kona-ba empregu, tenke hanoin kona-ba empreza. Ajente ekonomia sira ajuda sira nia likides no sira nia investimentu parte sosial.  Halo nusa para  garante familia sira nia rendimentu labele monu”, hateten aktual  Ministru Finansa, Dr. Rui  Augusto Gomes ba jornalista hafoin remata toma posse husi Prezidente Repúblika iha Palasiu Prezidensiál Bairu-Pite, loron, 23/11.

Dr. Rui Gomes dehan prioridade iha finansas, atu investe iha parte rigor iha kontas publikas, para  ita  kuidadu ita nia osan, se laiha rigor, laiha responsabilizasaun entaun labele ko’alia kona-ba prioridade finanseira tantu aspeitu ida ne’e maka sei foka.

“Ha’u nia esperansa ita iha ne’eba ema barak iha kapasidade, agora  ita presiza mak foku tanba situasaun agora dadaun ne’e, situasaun  ne’ebé lao uluk, ita nia planu estratejiku no mos planu programa VIII governu, ema ida la espera katak COVI-19  derepenti tama iha mundu,  entaun situasaun ne’e la hanesan ona, ita tenke halo intervensaun ne’ebé pontual atu ajuda ekonomia ne’e tama fila-fali iha nia dalan ba”, haktuir Dr. Rui Gomes.

Dr. Rui Gomes ho nia biography no esperiénsia profesionál tinan 20 ba leten Dr. Rui A.Gomes hanesan ekonomista interdixiplinár ida ne’ebé espesializa iha área dezenvolvimentu. Nia hatudu interese boot liuliu ba estudu kona-ba área estruturál kiak nian no oinsá kreximentu ekonómiku, mudansa estruturál no distribuisaun rendimentu relasiona ba malu no nia atividade peskiza foka liu ba Timor-Leste.

Nia hakerek ona dokumentu akadémiku no polítiku lubuk ida (balun seidauk fó-sai) no halo aprezentasaun oioin kona-ba makroekonomia no ninia variavel sira, empregu, kiak, inflasaun, polítika fiskál no Objetivu sira Dezenvolvimentu Miléniu nian.

Nia serbisu hanesan asesór ba S.E. Prezidente Repúblika Timor-Leste, Jenerál Taur Matan Ruak, no mós hanesan Xefe Casa Civil Prezidénsia Repúblika ninian hosi loron 1 fulan-Janeiru 2014 too loron 20 fulan-Maiu 2017.

Iha fulan-Setembru tinan 2017 nia hetan nomeasaun nu’udar Ministru Planu no Finansas iha VII Governu Konstitusionál no kaer knaar ne’e durante fulan 9. Iha fulan-Jullu 2018 Rui Gomes sai hanesan asesór ba S.E. Prezidente Repúblika, Dr. Francisco Guterres Lú Olo, ba asuntu ekonomia.

Print Friendly, PDF & Email

LEAVE A REPLY

Please enter your comment!
Please enter your name here