Home Notisia CNC Disemina Relatório Chega Ba Funsionáriu Públiku, Hodi Komemora Loron Funsaun Públika

CNC Disemina Relatório Chega Ba Funsionáriu Públiku, Hodi Komemora Loron Funsaun Públika

83
0
CNC desimina relatoriu Chega. [Foto: Silvino | 24.06.2022]

Reportajen Silvino Freitas

Centro Nasionál Chega (CNC) disemina informasaun relatóriu Chega no vizita sítiu istóriku ba funsionáriu públiku iha liña ministeriál hotu, hodi komemora loron funsaun públika iha tinan ne’e.

Reprezentante Diretór Ezekutivu CNC, Gaudencio Soares haktuir disiminasaun ne’e importante tanba iha funsionáriu balun seidauk hatene fatin no loron istóriku sira Timor nian.

“Importante tebes, tanba kuandu iha formasaun balun ba funsionariu sira entre ema atus-ida, ami husu de’it loron no fatin golpe ne’e iha ne’ebé, ema ida ka rua de’it mak hatene, se ita Timoroan mak hanesan ne’e ona, oinsa ba futuru ita nia oan sira, tamba ne’e importante tebes atu kontinua fahe informasaun hirak ne’e” dehan Diretor Gaudencio iha salaun CNC Balide,(24/06).

Nia dehan tan iha disiminasaun ne’e mós fahe mós husi vídeo kona ba ‘Resistir e Vencer’ husi livru komadante em xefe Xanana Gusmão nian, ne’ebé produz husi Saudozu Max Sthall iha 2019, vídeo ikus nia halo antes nia mate ho osan $90.000.

Entretantu Inspektór Jerál Ministériu Administrasaun Estatál (MAE) Elizeu Angelo da Costa haktuir, atividade ida ne’e, kompostu husi atividade 13 maka komisaun organizadára foti atu komemora loron funsaun públiku nian, atividade ne’e ba funsionáriu tomak iha lina ministériu hotu-hotu.

“Atividade ne’e fahe ba faze 8, daudaun ne’e  iha faze segundu, primeiru mak liu dadaun ona sei iha dala 6 tuir mai, kada faze ne’e iha 50 pesoas ba funsionáriu públiku” dehan Elizeu iha CNC Balide,(24/06).

Nia fundamenta tan, diseminasaun ne’e parte ida atu hakle’an vizaun funsionáriu sira ne’ebé ho idade produtivu, atu bele hatene luta pasadu nian, ne’ebé ita nia asuwain sira halo, nune’e bele iha domin ba ita nia nasaun.

Print Friendly, PDF & Email

LEAVE A REPLY

Please enter your comment!
Please enter your name here