Home Notisia PM Fo Posse Vogal Nain 5 Ba Komisaun Elaborasaun Planu Rekuperasaun Ekonomika

PM Fo Posse Vogal Nain 5 Ba Komisaun Elaborasaun Planu Rekuperasaun Ekonomika

752
0
PM hasai foto hamutuk vogal nain 5. [Foto: Copyright Media PM | 18.06.2020]

Reportazen Francisco JDA

Relasiona ho Rezolusaun Governu no.18/2020, 10 Junho, hodi kria Elaborasaun Rekuperasaun Planu Ekonómika, ne’ebé kompostu hosi Prezidente ema nain 1 no vogal ema nain haat, ne’ebé governu deside, hanesan Presidente Komisaun mak Dr. Rui Augostu Gomes no vogal sira mak hanesan   Dr.Rui Maria Araujo, Dr.Manuel Vong, Dr.Carlos da Silva Lopes “Saky” no  Dra. Berta hetan posse hosi Primeiru Ministru, Taur Matan Ruak ho objetivu atu halo planu ba rekuperasaun ekonomia durante loron 60 nia laran, no halo planu hotu sei entrega ba Konselho Ministro no iha posivel lori ba iha Parlamentu Nasionál.

Hafoin tomada de Posse, Prezidente Komisaun ba Planu Elaborasaun Rekuperasaun Ekonómiku Dr.Rui Augostu Gomes ba jornalista sira hateten, servisu  ba planu rekuperasaun ne’e komplexu  oituan, tanba preparasaun planu ne’e enkaixa iha situasaun senariu makro ekonómika mundiál ne’ebé inserteja barak los.

“Ita la hatene loos kresimentu ekonomia iha nasaun seluk tinan oin mai ne’e oinsá, sei zero ka menus liu, ita sei presiza foka liu ba buat ne’ebé iha hela, ita nia uma laran repara ba aban bainrua, kuandu iha oportunidade, signifika aspetu ne’ebé afeta ita nia produtividade, buat ne’ebé impede kresimentu ne’e etika servisu. Ha’u hanoin presiza hadia, ne’e la’ós dehan atu fakar de’it osan ba ekonomia atu buras ona, ne’e hanesan ai-oan ida, atu labele mate, ita mantein no rekupera to’o forte”, esplika Dr. Rui Agostu Gomes Iha Palásiu Governu, 17/06.

Dr. Rui Gomes akresenta katak, Covid ne’e afeta liu ba ema nia rendimentu ho empregu, sei foku makas liu ba ema no oinsá proteje ema, atu asegura katak nia rendimentu no empregu la’ós ida vulneravel maibé empregu ida produtivu.

“Ema tenki iha seguransa katak wainhira nia servisu, nia tenki hetan rendimentu. Nia sei la lakon hanesan ne’e deit. Rekuperasaun ida ne’e mós, ita tenki hadia lai, tinan barak nia laran haluha tiha, tau ketak tiha, agora se derepente estadu sira taka tiha asesu ai-han mai Timor, ita han saida, ita nian ne’e iha ka la, buat sira ne’e ita bele hamriik mesak, buat sira ne’e mak ita hakarak hamoris fila fali”, Dr. Rui Gomes.

LEAVE A REPLY

Please enter your comment!
Please enter your name here