Home Notisia Embaixadór Australia Hasoru Prezidente PD, Koalia konaba Agrikultura, Pekuária no Peska

Embaixadór Australia Hasoru Prezidente PD, Koalia konaba Agrikultura, Pekuária no Peska

96
0
Embaixadór Australia iha Timor-Leste, Bill Costello hasoru Prezidente PD , Asanami. [Foto: David | 25.06.2022]

Reportajen David da Costa Gusmao

Embaixadór Australia iha Timor-Leste, Bill Costello ohin hasoru malu ho Prezidente da Partidu Demokrátiku (PD), Mariano Assanami Sabino hodi ko’alia konaba traballadór sira ba Australia, no apoiu governu Australia nian ba agrikultura, pekuáriu no peska.

Prezidente partidu Demokratiku (PD), Mariano Assanami Sabino informa,  Embaixadór Australia mai Timor-Leste ohin mai vizita office Partidu Demokratiku hodi koalia konaba programa lubuk ida, tanba Australia nasaun ne’ebé besik liu Timor-Leste no nia apoiu mai iha Timor ne’e laos foin maibe desde Timor Indepedensia to’o mai agiora.

“Ami koalia programa lubuk ida, imi hotu hatene Australia nasaun ida ne’ebé  besik liu ita, apoiu dezde ita indepedensia, depois de indepedensia Australia kontinua apoiu. Tanba ne’e ohin mai iha ne’e hanesan kolega, manalin no mos hanesan nasaun ne’eb’e maka iha konsistensia ba programa ba future,” Assanami dehan ba jornalista sira, iha sede PD Kolmera, Sexta 24/06.

Nune’e mos koalia konaba traballadores sira ba Australia, apoiu governu Australia nian ba agrikultura, pekuariua no peska. No mos nukleu laboratoriu ne’ebé maka halo ba agrikultura.

“Imi hotu hatene nukleu laboratoriun ne’ebe  halo ba agrikultura ne’e improrante tebes para ita atu estabelese sanitariu pito sanitariu  sistim, ne’e parte ida ba BTEO nian no mós kriteria ba BTEO, i ne’e mós parte ida importante para ita bele tama ASEAN, ita tenke hadia buat ida ne’e, ne’e suporta husi Australia,” hateten Assanami.

Iha fatin hanesan Embaixadór Australia mai Timor-Leste, Bill Costello informa, ohin vizita kortejeia ida mai iha Partidu Demokratiku atu hatene diak liu tan, no mós hanesan nasaun vizinu  no embaixadór foun atu buka hatene programa sira ne’ebe iha, atu bele kontinua.

Embaixadór ne’e salienta konaba iha seguransa marítima, peska illegal sira, no Australia nia apoiu ba ro funu rua ne’ebé maka sei mai iha tinan oin.

Print Friendly, PDF & Email

LEAVE A REPLY

Please enter your comment!
Please enter your name here