Home EduTek RTTL ho MEJD Asina Akordu Ba Programa Eskola ba Uma no Tele-Eskola

RTTL ho MEJD Asina Akordu Ba Programa Eskola ba Uma no Tele-Eskola

604
0
RTTL ho MEJD asina akordu. [Foto: Joselina | 31.08.2021]

Reportajen Joselina dos Santos

Rádiu Televizaun Timor-Lese RTTL,L.P, Jóse António Belo ho Diretora Jerál Polítika Planu no Inkluzaun iha Ministru Edukasaun Juventude Desportu (MEJD), Odilia das Dores Ung  Martins, hodi asina akordu kona-ba programa eskola ba uma no Tele-Eskola ba estudante sira iha territóriu laran .

Hafoin asina akordu Diretora Jeral Planu Polítiku Inkluzaun iha Ministériu Edukasaun Juventude  Desportu (MEJD), Odilia da Dores UNG Martins hateten públiku sira akompaña prosesu durante Pandemia Covid-19 ne’ebé afetadu tebes ba prosesu aprendizajen iha rai laran, liu-liu ba estudante sira ne’ebé mak labele asesu ou kontinua sira nia estudu tanba moras Covid-19.

“Programa ne’e implementa iha tinan kotuk, bainhira Covid-19 komesa ameasa ita nia laran, no estadu dekreta Estadu Emerjénsia entaun iha momentu ne’eba kedas ami foti medida, atu bele responde ba situasaun liu-liu prosesu aprendizajen, no ami  deside katak tenke iha programa ne’ebé bele tulun estudante sira liu husi Programa Eskola ba uma,” dehan Diretora Jeral PPI ba jornalista sira hafoin asina akordu ho Prezidente Konsellu Administrativu  RTTL,L.P iha edifísiu RTTL  Kaikoli, 31/05.

Diretora hatutan MEJD prepara ona matéria hamutuk 202 maibé publikasaun atinje ona episode 135 sei falta episode 30 no faze finaliza, nune’e tempu badak sei ba entrega ba RTTL atu bele halo públikasaun atu estudante sira bele asesu kontinua estuda iha uma.

Nia dehan programa ne’e rasik hetan ona kooperasaun ho RTTL,L.P atu halo públikasaun, maibé ita hatene katak estudante sira iha área rural sira difisil atu asesu programa eskola ba uma, no tele-eskola tanba ne’e mak MEJD servisu hamutuk ho manorin sira halo rezumu ba kada matéria.

“Ami garante tanba foin lalais ami nia ekipa lojistiku sira, halo ona  distribuisaun rezumu materia ba to’o eskola sira iha área remotas. Depois mak profesór sira bele distribui fali ba estudante sira,” dehan Diretora Odilia

Tuir avaliasaun ne’ebe halo ona, hatudu katak  30% husi inan aman mak responde katak ne’e tulun tebes, maske iha inan balun ne’ebe mak dehan ne’e la tulun. Maibe presiza iha kooperasaun no servisu di’ak entre Ministériu ho inan aman, no liu-liu manorin sira atu bele tulun estudante sira, atu sira bele sente katak maske durante ne’e sira iha uma de’it maibe sira bele kontinua sira nia prosesu aprendizajen.

Akordu entre MEJD no RTTL.ep ba programa refere ho orsamentu husi $2000 – $3.000

Iha parte sorin Prezidente Konsellu Administrativu  Rádiu Televizaun Timor-Leste (RTTL,L.P), Jóse António  Belo hateten antes akordu entre MEJD ho RTTL la konta kusta osan ruma iha ne’eba, mais sira konxiente katak RTTL hanesan Emprezáriu Públika tanba ne’e labele kobra Estadu ho Kustu ne’ebe kompletu hanesan estasaun privadu sira seluk.

Print Friendly, PDF & Email

LEAVE A REPLY

Please enter your comment!
Please enter your name here