Home Saude 31 Agostu, MS Rejista Kazu Pozitivu Foun 167 no Mate Ho COVID...

31 Agostu, MS Rejista Kazu Pozitivu Foun 167 no Mate Ho COVID nain 3 – Koresaun

435
0
Ilustrasaun virus Corona. [Foto: Copyright google | 07.03.2020]

Reportajen David da Costa Gusmao

Ministeriu Saude (MS) liu husi Sala Situasaun Centru Integradu Jestaun Krize (SS-CIJK) ohin rejista  tan  kazu foun Covid-19 hamutuk ema nain 167, no timoroan na’in 3 mate ho Covid-19, nune’e total óbitu sae ba 67, no kazu rekuperadu ohin hamutuk ema nain 239.

Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo informa ohin 31 Agostu deteta kazu foun hamutuk ema nain 167. iha Dili nain 119, Baucau nain 30,  Covalima nain 1,  Ainaro nain 3, Bobonaro nain 11, Ermera nain 2, RAEOA nain 5 no Viqueque nain 6, husi munisípiu sira seluk ne’e ohin laiha kazu foun.

“Husi total kazu detetadu foun ohin ne’e, mane 92 no feto 75., kazu detetadu foun ohin hirak ho idade tinan 20 nain 20 (23,8%), ho idade entre tinan 12-59 nain 138 (82,6%), ho idade 60 nain 9. Husi total kazu detetadu foun 60 kazu ka 40,% maka sintomátiku ou hatudu sintomas,” Dr. Rui  dehan liu hosi komunikadu imprensa ne’ebe Neon Metin asesu iha loron, Tersa 31/08.

Nia esplika husi kazu detetadu foun ohin, 61 (37%) iha ona vasina kompletu no 22 (13%) hetan ona vasina doze dahuluk.

Kazu rekuperadu ne’ebé relata hamutuk ema nain 239. Total kazu ativu ohin loron 31 Agostu tinan ne’e hamutuk ema nain 4,499 , no total kazu konfirmadu kumulativu sura husi 21 Marsu 2020 to’o ohin loron hamutuk 16,682.

Dr.Rui esplika tan, ohin mos iha kazu óbitu nain tolu (3), mane rua no feto ida, nune’e total óbitu sae ba 67.

Mane nain ida ho  idade 43 timoroan, hela  iha  Dili seidauk vasina, iha 31 Agostu 2021 madrugada, diagnóstikadu iha HNGV ho  sindroma insufisiénsia respiratória aguda (SIRA) tanbá Covid-19. Matebian iis-kotu iha 01:44, tanbá respiratoric failure/parajen respiratória.            

Matebian Mane ida seluk ho idade 55 timoroan, hela iha Ainaro, seidauk vasina,  iha 30 Agostu 2021 diagnóstikadu iha Ainaro ho síndroma insufisiénsia respiratória aguda (SIRA) tanbá Covid-19.  Matebian  iha istória sofre mós ipertensaun. Familia matebian rejeita atu evakua  pasiente mai Dili. Ohin Matebian  iis-kotu  iha uma, ohin dader oras tuku 05:00.

Dehan matebian ida seluk ne’e feto, idade 63 timoroan hela iha Viqueque seidauk vasina, iha 29 Agostu  2021 diagnóstikadu  iha Viqueque ho sindroma insufisiénsia respiratória aguda (SIRA) tanbá Covid-19.  Matebian iha istória sofre tuberkuloze pulmonar. Matebian  iis-kotu  horiseik loraik oras tuku 18:55, iha fatin izolamentu, tanbá respiratoric failure/parajen respiratória.      

Print Friendly, PDF & Email

LEAVE A REPLY

Please enter your comment!
Please enter your name here