Reportajen Francisco JDA
Konsellu Ministru ( KM) halo sorumutu, hodi análize ba aprezentasaun hosi pontu situasaun epidemiolojia nasionál hosi Koordenadór sira sala situasaun nian, Sentru Integradu Jestaun Krize ( SIJK) nune’e deside mantein Konfinamentu Obrigatóriu jerál ba populasaun Munisípiu Dili too loron 09 Setembru
Liu hosi komunidade imprensa ne’ebé Neon Metin asesu katak, ema sira hotu iha Munisípiu Dili inklui sira ne’ebé hetan ona vasina Covid-19, kontinua hela iha uma bele sai de’it tanba razaun saúde, ba serbisu iha kazu administrasaun públika superior ierarkia, define funsionáriu ne’ebé mak dispensadu husi devér komparensia atu asesu, nesesidade bázika no atu simu Vasina kontra Covid-19.
Iha Konfinamentu Obrigatorio (KO) ne’e taka estabelesimentu komersiál, indústria, artezanal, ka prestasaun serbisu iha setór privadu ekonomia sira hotu ne’ebé dezenvolve atividade Munisipiu Dili iha asesaun sira ne’ebé prevee antes
Antes ne’e rezolusaun governu altera mós sidadaun sira sai hosi uma ba fatin seluk, resenseamentu eleitorál, no ba parte seluk atu funsiona ba empreza prestasaun serbisu sira ba kontrola peste nian, nune’e la renova impozisaun Konfinamentu Obrigatorio jerál iha postu Admistrativu Ermera no Railaku.
