Home Saude Laboratoriu Sedauk Iha Kapasidade Halo Analize Genomic Ba Variadade Foun Corona B117

Laboratoriu Sedauk Iha Kapasidade Halo Analize Genomic Ba Variadade Foun Corona B117

221
0
Ilustrasaun variadade foun Corona B117. [Foto: copyright google | 15.03.2021]

Reportazen Zevonia Vieira

Virus foun ho naran Corona B117, ne’ebe sai ameasa boot nasaun 60 resin ona, ho ninian sintomas ne’ebe diferente ho virus Corona, no bele daet lalais liu hosi ema ida ba ema seluk, duke virus SARS-CoV-2, liu hosi zoom conference Neon Metin konfirma ho Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo konaba karik Ministeriu Saude (MS) halo ona analize ba kazu konfirmadu ne’ebe aumenta, iha mos relasiona ho virus foun Corona B117?

Ba Neon Metin Dr. Rui hatan katak iha Timor-Leste, ita nia laboratoriu sedauk iha kapasidade atu halo analize Genomic, maibe laboratoriu nasional serbisu ho Universidade ida iha Darwin prepara hela atu halo analize ba Genomic.

“Signifika sample sira ne’e tenke selesiona no haruka sai hosi Timor, ita hotu hatene ita sei iha Serka Sanitaria, fronteira sira ita sei taka, ita tenke aproveita carter balun hosi Australa atu halo ida ne’e, maibe hosi pontu de vista Ministeriu Saude hamutuk ho CIJK hare hela oinsa se determina duni varian ka virus seluk ida ne’ebe dadauk naklekar hela iha Timor-Leste”, dehan Dr. Rui ba Neon Metin liu hosi zoom conference, 15/03.

Sintomas hosi varian ka virus foun Corona B117 mak hanesan sente koleng lalais, laiha energia, oin halai, laran sae no bele desmaia.

Hosi sintomas hirak ne’e parte mediku sira husu atu deskansa barak, ajusta dieta no hases-an hosi desportu ka ezersijiu ne’ebe todan, susar atu horon sasan morin sira no bele fo impaktu ba nervo (saraf)

Print Friendly, PDF & Email

LEAVE A REPLY

Please enter your comment!
Please enter your name here