Reportajen estudante estajiadu UNTL, Joselina dos Santos
Ministru Ensinu Superior Siénsia no Kultura (MESSK), hamutuk ho Ajénsia Nasionál ba Avaliasaun no Akreditasaun Akademika (ANAAA), inklui Instituisaun Públiku no Privadu sira, realiza semináriu hodi lansa Avaliasaun Akreditasaun tinan 2022 ba Instituisaun sira ne’ebe hetan akreditasaun exelente ba prosesu avaliasaun kursu programatiku klasifikasaun B.
Iha diskursu ne’e, Ministru Ensinu Superior Siénsia no Kultura (MESSK), Longinhos dos Santos, hato’o Parabens ba instituisaun tolu ne’ebe hetan akreditasaun exelente ba prosesu Avaliasaun kursu programatiku mak hanesan instituisaun UNTL DIT IOB, ita suporta tanba sira nia prosesu avaliasaun tinan 2022 nian konsege hetan akreditasaun exelente.
Governante ne’e dehan ANAAA hala’o nia kna’ar ho implementa avaliasaun akreditasaun ba programa institusionál ho objetivu prinsipál haat (4), mak hanesan Sukat Dezempeña ba Instituisaun Ensinu Superior tantu públiku no privadu sira, Atu hadi’a kualidade Ensinu Superior tantu públiku no privadu sira, fò informasaun ba sosiedade sira kona-ba funsionamentu kualidade ba Ensinu Superior sira no promove kultura internal liu-liu ba instituisaun ensinu superior sira.
“Ita akompaña hotu katak rezultadu ba prosesu avaluasaun kursu programatiku hamutuk 128, husi kursu 128 ne’ebe hetan avaliasaun klasifikasaun B hamutuk 25 no hetan klasifikasaun sufisiente 99 no 4 mak la passa”, Dehan, Ministru Ensinu Superior Siénsia no Kultura Longinhos dos Santos, iha nia diskursu iha Salaun Kategral São José, 22/07.
Nia salienta, Ida ne’e sai hanesan preokupasaun boot ida ba ami tanba seidauk iha kursu ida mak hetan exelente A maske ita nia país hetan ona independénsia tinan 20, mais ita seidauk bele konkista kualidade ba Instituisaun Ensinu Superior ne’e rasik.
“Ita koalia kona-ba kualidade ba ensinu superior públiku no privadu ne’e sai hanesan preokupasaun ba VIII Governu Konstitusionál, nune’e husu ba entidade sira liu-liu ba instituisaun públiku no privadu sira atu servisu hamutuk no kolabora ho governu atu bele hadi’a instituisaun ensinu auperior sira”, nia haktuir.
