Home Saude 10 Maiu, Deteta Pozitivu COVID-19 Total 126, Dili Fatin Ho Risku Boot...

10 Maiu, Deteta Pozitivu COVID-19 Total 126, Dili Fatin Ho Risku Boot Liu Hetan Daet

152
0
grafik konaba surtu COVID iha TL. [Foto: CIJK | 10.05.2021]

Reportazen Zevonia Vieira

Ministeriu Saude (MS) deteta tan kazu konfirmadu COVID-19, ohin loron 10 Maiu hamutuk 126. Liu hosi komunikadu imprensa, Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr.Rui Maria de Araújo relata ba jornalista sira katak dadus jeral hatudu kazu foun pozitivu COVID-19 hamutuk 126 (iha Dili nain 120, no iha munisipiu seluk nain 6).

Husi total kazu detetadu foun ohin mane 63, feto 63.  Husi total kazu detetadu foun ohin, hirak ho idade tinan 60 nain 3. Husi total kazu detetadu foun ohin, proporsaun kazu sintomátiku hamutuk 11,1%. Total kazu konfirmadu kumulativu hosi loron 21 Marsu 2020 to’o ohin loron hamutuk 3353.

Kazu rekuperadu hamutuk 82, total kazu ativu nain 1584. Husi horiseik mai ohin halo teste PCR hamutuk 719, kumulativu kazu konfirmadu iha Municipio Dili hosi tinan 2020 to’o ohin loron hamutuk 2811.

Evolusaun surtu COVID-19 iha Timor hatudu katak kada loron aumenta, indikador ida ne’ebé matenek-nain epidemiolojia nian uza, maka insidénsia. Konvensionalmente insidénsia sukat total kazu foun, kada loron pur 100 mil habitantes, no hatudu risku ne’ebé populasaun iha atu hetan da’et moras ida.

Gráfiku iha leten hatudu katak média (rata-rata) ohin, husi insidénsia Covid-19 iha Timor-Leste durante loron 7 ikus maka 8,5/100 mil abitantes, enkuantu ba deit Munisipiu Dili 27,8/100 mil abitantes. Insidénsia iha leten sei nafatin hatudu katak Munisipiu Dili maka fatin ho risku bo’ot liu atu populasaun hetan da’et & hada’et tutan.

Print Friendly, PDF & Email

LEAVE A REPLY

Please enter your comment!
Please enter your name here