Home Notisia MTCI ho USAID Lansa Expo Turizmo Domestika no Feira Hau nia Timor-Leste

MTCI ho USAID Lansa Expo Turizmo Domestika no Feira Hau nia Timor-Leste

159
0
MTCI, USAID ho Embaixadora Amerika iha TL lansa turismo domestika. [Foto: Santina Lucia da Costa | 22.09.2020]

Reportazen Santina Lucia da Costa

“Tane aas konseitu ida ne’e, haburas, hadia no haforsa ba oin, konseitu ida ne’e atu hadia ita nia setor turizmu”. Jose Lucas

Ministeriu Turizmu Komersiu no Industria (MTCI) serbisu hamutuk ho USAID’s Tourism For All Project, Asosiasaun Turizmo no Empreza turizmo sira, selebra loron mundial Turizmo 2020 liu husi organiza eventu lubuk ida hanesan Expo Turizmo Domestiku no Feira Hau nia Timor-Leste.

Liu hosi eventu lansamentu Embaixadora Estadus Unidus Amerika, Kathleen Fitzpatrick iha Timor-Leste hateten alende promove turizm domestiku, ita mos lansa Estadus Unidus no Hau nia Timor-Leste, hanesan parte ida hosi kampanha Timor-Leste nian, katak Timor-Leste explora parte ne’ebe seidauk deskobre.

Embaixadora Estadus Unidus Amerika dehan USAID’s nia projetu Turizmu ba ema hotu lansa kampanha ne’e hamutuk ho Ministeriu Turizmu ho apoiu tomak ba Timor-Leste nia metas hodi aspande industria turizmu iha Timor-Leste.

“Favor ida ba vizita nasaun furak ida ne’e, no komunga ita boot sira nia photografia iha media sosial ho nia captions “Hau nia Timor-Leste” ne’e semana importante tebes hodi selebra turizmu, tanba loron turizmu mundial monu iha loron 27 Setembru”, dehan Embaixadora Estadus Unidus Amerika.

Kathleen Fitzpatrick afirma ita tenki tau matan, oinsa ita bele prepara-an iha ohin loron ba iha futuru. Ita hotu espera atu haree programa no produtu sira hotu kona-ba turizmu iha fatin ne’e, durante semana ne’e nia laran.

Iha fatin hanesan Ministru Turizmu Komersiu no Industri (MTCI), José Lucas do Carmo da Silva, hateten partikularmente ohin ita koalia kona-ba area Turizmu, atu dehan katak governu la lao mesak maibe ita lao hamutuk ho ita nia parseiru sira koopera ne’e, ita hala’o durante ne’e.

“Timoroan sorti boot ba ita, grasa boot ba ita, ita rona liafuan pandemia Covid-19, maibe ba ita timor esperiensia saida mak ita pratika, ita sente maka oportunidade, oportunidade mai ita atu dezenvolve ita nia nasaun, oportunidade atu dezenvolve setór hotu-hotu, ida ne’e mak akontese iha ita nia rain”, hateten José Lucas do Carmo da Silva, iha Timor Plaza, 22/09.

José Lucas do Carmo da Silva hatutan oportunidade ne’ebe mak iha mak ita serbisu, buka explora posibilidade potensia sira ne’ebe iha ita nia rai laran, hamutuk ho ita nia parseiru sira.

MTCI dehan iha tempu pandemia ne’e, mosu konseitu ida di’ak tebes ba ita husi parseria USAID ho governu Timor ho liafuan, “Hau nia Timor-Leste” no ita hotu-hotu nia sentimentu katak ne’e hau nian.

Jose Lucas informa katak ba oin governu sei serbisu hamutuk ho parseiru no komunidade tomak iha teritoriu tomak, atu tane aas konseitu ida ne’e, haburas, hadia no haforsa ba oin, konseitu ida ne’e atu hadia ita nia setor turizmu.

Expo Turizmu Domestiku ne’ebe realiza iha Center Court, Timor Plaza, no Expo ne’e sei realiza  hahu husi loron 22 to’o 26 Setembru 2020 ho aprezentasaun informativu husi centru informasauun Turistiku, Asosiasaun Turizmu no profesional sira, atu inspira publiku vizita munisipiu no explora Timor-Leste no Feira Hau nia Timor-Leste sei realiza iha 27 Setembru loron mundial turizmu iha parking area Timor Plaza. Programa ne’e, halo husi USAID Turizmu ba ema hotu no hetan apoiu hosi East Timor Tranding, Yellow tail, Bintang, Timor Plaza, Timor Telekom, Telemor, Telkomsel, Compas Diving

LEAVE A REPLY

Please enter your comment!
Please enter your name here