Home Feature EE, Kondutor Mikrolet Para Serbisu, Susar Buka Osan, Dalaruma Hahan Mos Laiha

EE, Kondutor Mikrolet Para Serbisu, Susar Buka Osan, Dalaruma Hahan Mos Laiha

1114
0
Kondutor Mikrolet, Procopio da Silva. [Foto: Santina Lucia da Costa | 20.04.2020]

Reportazen Santina Lucia da Costa

Moras surtu Covid 19, iha Timor-Leste kada loron kontinua aumenta, ba loron 20 Abril numeru  konfirmadu positivu virus Corona. Governu mos aprova ona atu prolongga tan Estadu Emerjensia [EE] ba fulan ida nia laran. Saida mak sei akontese ba ema kbiit laek sira? ne’ebe tenke hikis kosar tahan hamlaha no karik tahan hamrok, hodi buka osan ba sira nia moris? Karik sira sei moria iha ameasa nia laran? Karik sei labele ense tan sira nia kabun?

Kondutor Mikrolet, Procopio da Silva, bainhira Neon Metin dada lia ho nia, laiha lia fuan kontente hosi nia, tanba sira tenke simu realidade ne’ebe mak tenke leba maske todan ba sira.

“Ami nia preokupasaun iha estadu emerjensia ne’e nesesidade hahan no mos osan, atividades laiha ita iha uma de’it, atu sai mos araska ho situasaun ida agora ne’e, ami nia preokupasaun mak hahan no bee moos, bee posu iha, maibe bee meer, tein ba labele, atu kuru bee iha liur ho situasaun ida hanesan ne’e polisia hetan ami lao, polisia bandu”, konfesa kondutor Procopio ba Neon Metin iha Tasi Tolu, 19/04.

Procopio haktuir kakta antes estadu emerjensia sedauk aplika, Bee Moos ne’ebe monta besik sira, dalaruma sai oras ida ho balun no la toooras ida, ema barak lori jerigen barak hodi mai kuru bee, maibe iha tempu estadu emerjensia bok an la diak, tenke pasiensua uza bee posu maske meer tenke obriga hemu no ba tein.

“Orsamentu ne’ebe agora dadaun diskute atu fo subsidiu ba povu  sira, se bele karik labele dada tempu liu, tur ho kakutak malirin, tanba povu nia nesesidade ne’e han ohin ho aban, laos hein fali boot sira foti desizaun, kuitadu hahan laiha iha estadu emerjensia ida ne’e, serbisu mos laiha”,  hateten Procopio da Silva.

Bainhira Neon Metin dadalia ho Procopio, maluk sira ne’ebe haleu iha fatin refere, informa mos ba Neon Metin katak iha avo feto ho nia oan, lori plastiku lao tutuir uma husu foos, maibé bainhira avo ne’e haree ema barak, nia tauk no halai tanba moe.

Ho informasaun ida ne’e ekipa Neon Metin sei buka tuir avo feto ho nia oan ne’e, atu bele hatene kondisaun moris ne’ebe avo nee hasoru iha nia moris hamutuk ho nia oan.

LEAVE A REPLY

Please enter your comment!
Please enter your name here