Reportajen Umbelina dos Reis
Eufrasia Vieira lansa nia Parfume ho naran EUPHRATES iha Timor-Leste ho tema, “o ritual de vestir uma fragrânsia” Parfume EUPHRATES ne’e hamutuk oin morin 12, ne’ebe kompostu husi Euphrates mak 01 Eufrasia, Equinox5, Mooncean, Dark Bauty, Old Money, Asia Bloom, Tmo Eccitame, Leher, Mi Donna, Soul Kiss, Piccola Principessa, Piccolo Principe.
“Ha’u espera produto Parfume Euphrates bele to’o iha Timor-Leste, no antes ne’e lansa ona iha Indonesia barak mak asesu ha’u nia media sosial no bele hatene ona. Importante mak hatene brand ne’ebé kria ho kualidade di’ak ita ko’alia hanesan internasional, Timoroan mak kria no nain.” dehan na’in ba Parfume Euphrates, Eufrasia Vieira ba jornalista sira iha serimonia lansamentu Parfume Euphrates , iha otel Timor, Sabadu 27 /09.
Parfume Euphrates ne’e hahu merkadu boot husi rai liur nasaun viziñu Indonesia di’ak loos mak mai tanba husi Timor-Leste mak ba labele, la’ós fa’an iha merkadu Indonesia de’it, tanba ne’e ohin halo lansamentu iha Timor-Leste. Agora tama ona mai to’o Timor-Leste ha’u hakarak ha’u nia ema rasik mak sente bele hetan Parfume Euphrates, produto ne’ebé Timoroan mak rasik mak kria.
Parfume ne’ebé hala’o lansamentu ne’e hamutuk 12 parfume iha nia diferensia karakter ba labarik kiik, joven feto no mane, kabena’in morin mos lahanesan.
” Parfume 12 ne’e nia karakter diferensia tebes ho parfume seluk, tanba nia morin ha’u mak kria rasik no kada perfume ha’u tau titulu tuir ida-idak nian, produto mina morin ne’ebé ha’u kria ne’e fokus liu ba nia kualidade mai husi nasaun France tanba nasaun ida ne’ebé kria parfume ne’ebé di’ak liu, prosesu kria ne’e hahu husi fulan febereiru tinan ne’e to’o ohin lansa iha Timor-Leste.” haktuir na’in ba Parfume.
Eufrasia Vieira, servisu hamutuk ho kompaña husi Indonesia sira mak produs mina morin ne’e nune’e mos servisu hamutuk kompaña France entaun mina morin ne’e halo teste iha laboratorium France mak manda mai Indonesia no asesoris sira ne’e mai husi China tanba sira teknolojia di’ak tebes hodi halo asesoris.
Depois lansamentu Parfume Euphrates ne’e sei loke sira nia loja permanente iha Hotel Timor no Timor Plaza. Tuir formula ne’ebé sira uja kada mina morin mak folin mos diferensia hahu husi $33 to’o $74 dolar.
” Ha’u fiar, ha’u nia produtu Parfume Euphrates di’ak, tanba ha’u ema ida ke la’ós halai ba kuantidade maibe halai liu ba kualidade se Indonesia mak simu ho di’ak ha’u espera Timor-Leste mos simu di’ak tebes.” Nia dehan.
Identiku naran ba mina morin ho Euphrates ne’e mai husi biblia katak mota ida ne’ebé tempu uluk importante tebes, mota ne’e mosu iha Turki nia sulin husi Siria depois to’o iha Iran mota ne’e para iha ne’eba maibé nia sulin ba Iran nia tasi.
“Topiku ne’ebé konekta ba ha’u nia an hodi hili naran ne’e tanba feto ne’ebé Primeira vez kria parfume iha mundu nia ema Iran, nia hela iha sidade Babilonia nia kria parfume ne’e nia foti bee husi Euphrates. Entaun naran ida ne’e di’ak tebes ba ha’u nia brand tanba bee ne’e mos no mota ne’e sulin nunka to’o hotu espera saida mak ha’u halo ne’e nunka mais hotu”.
Eufrasia Vieira nain ba Parfume Euphrates ne’e enkoraja joven sira, tanba antes ne’e nia hasoru dezafiu oioin atu hamate nia vontade iha business sira maibé, husi dezafiu fanun nian família no kolega nia suporta, ohin nia hetan susesu ida lansamentu parfume Euphrates iha Timor-Leste joven labele tauk atu monu iha business saida de’it.
“Fou-foun ha’u business maromak nia planu oinseluk ha’u triste, ha’u kria buat ne’ebé ha’u hadomi ha’u nia rai, ha’u tau osan buat hotu hakarak loke kampu traballu ba ema liu-liu ba joven sira hakarak halo ha’u nia rai bonita. Maibé Maromak nia planu oinseluk fou-foun ha’u triste maibé iha parte ida katak Maromak nia planu ne’e di’ak liu tanba buat ne’ebé ha’u lakon Maromak fó liu no boot liu ida ne’e mak ha’u agradese tebes bele realiza ha’u nia mehi.”
Mina morin 12 ne’ebé kompostu husi Euphrates mak 01 Eufrasia, Equinox5, Mooncean, Dark Bauty, Old Money, Asia Bloom, Tmo Eccitame, Leher, Mi Donna, Soul Kiss, Piccola Principessa, Piccolo Principe.
“Labele tauk atu monu, koko buat hotu ita atu ba faze ida ba susesu ne’e la instan, se o hakarak halo negosiu mak susesu kedas iha fulan ida ka fulan rua. Entaun nia susesu, maibé nia bele monu fali, o hakarak business ne’e atu lao ba oin, atu nia durasaun ne’e naruk entaun prosesu atu susesu ne’e presiza sakrifisiu ho durasaun naruk”. Nia dehan.
Joven sira lalika tauk atu monu koko de’it fiar imi nia an, hatene saida mak imi nia an liu-liu mak disiplina no fokus buat ne’ebé mak imi halo ne’e importante.
Artista, Bianco Rodriguez ne’ebé koñesidu ho naran “Crimison” hanesan sasin haktuir nia mos tama iha projetu parfume Euphrates no durante ne’e uz mina morin barak maibé lahatene mane nian no feto nia mak ida ne’ebé, husi projetu parfume Euphrates nia bele koñese ona nia garantia Parfume Euphrates mak kualidade tuir karakter iha Timor-Leste.
“Ha’u orgullu tanba Parfume Euphrates ne’e mai husi Indonesia maibé ita nia ema mak kria, ema Timoroan agradese tebes, ha’u nia atividade loro-loron ha’u lao ba mai gosta uza parfume ha’u la hatene selesaun ida ne’ebé mak di’ak no feto nian, mane nian dalaruma ha’u uja de’it tanba ha’u lahatene. Bainhira ha’u tuir mai projetu Parfume Euphrates mak hatene ida ne’ebé mak labarik nian, feton nian, mane nian, joven, no katuas nian.” Nia konklui.
