Home Memoria Jo Monteiro Vogal Foun Konsellu Diretiva ANPM Ho Eisperiensia Legal Iha Industria...

Jo Monteiro Vogal Foun Konsellu Diretiva ANPM Ho Eisperiensia Legal Iha Industria Petrolifera

2135
0
Joanianto Monteiro, Vogal Konsellu Diretiva ANPM (Foto: OnFrontier Expert)

Konsellu Ministru, horiseik (13/01), nomeia Joanianto Monteiro ka ho naran koinesidu Jo Monteiro ba Vogál Konsellu Diretivu iha Autoridade Nasionál Petróleu no Minerál (ANPM). Reasaun Jo Monteiro nian kona ba nomeiasaun ne’e hatete katak nia sente onradu no konsidera servisu ida ne’e iha resposabilidade todan no presija apoio ema hotu nian.

“Hau senti onradu ba nomeiasaun ne’ebe Ministru Petroleu no Minarai liu husi Konsellu Ministru fo mai. Ida nee responsabilidade todan nebe presiza ema hotu nia apoio. Industria petrolifera ne’e industria ida komplexu no teknika tebes, tambá ne’e serbisu hanesan ekipa mak xave ba dezenvolvimentu no susésu ba ANPM,” Vogal Konsellu Diretiva ANPM Jo Monteiro expresa liu hosi messenger ba Neon Metin, ohin 14/11.

Jo Monteiro iha ona experiensia serbisu hamutuk ho ANPM maske la diretamente. Nia servisu besik ho ANPM desde remata ninia primeiru Mestradu husi Aberdeen. Nia mos ema ida mak involve iha prosesu negosiasaun trilateral entre Australia, Timor-Leste no kompaña sira iha Bayu-Undan, molok Tratadu Fronteira Maritima ratifika entre Timor-Leste no Australia iha dia 30 Agostu 2019. Jo Monteiro mos iha eisperiensia servisu ho ajensia internasional sira hanesan Banku Mundial, AusAID, USAID, CDI. Nia halo servisu barak relasiona ho asuntu legal no avalia pulitika finansiamentu, taxa no reforma administrative. Nia mos iha eisperiensia relasiona ho mekanizmu resolve disputa taxa nian no mos kontratu sira mak relasiona ho industria petrolifeira.  

Jo Monteiro agora dadaun nudar Asesor Legal ba Jestaun Finansas iha Gabinete Ministru Finánsa, partikularmente hare liu ba asuntu fiskal/tributaria, iha Gabinete Ministru Finánsa, dezde 2017. Nia hasai Mestradu iha Direitu Petroliferas husi Eskola Direitu Universidade Aberdeen iha Eskósia/Scotland, no Mestradu Direitu Tributaria Internasional husi London School of Economics and Political Science (LSE). 

Nomeiasaun ne’e bazeia ba projetu rezolusaun ida hosi Ministru Petróleu no Minerál ho mandatu vogal nian ba tinan 4. 

Print Friendly, PDF & Email

LEAVE A REPLY

Please enter your comment!
Please enter your name here