Home Notisia PM Fo Posse Ba Membru KNDJ Sira, SEJD: Asuntu Joven Sai Asuntu...

PM Fo Posse Ba Membru KNDJ Sira, SEJD: Asuntu Joven Sai Asuntu Transvesal Iha Liña Ministerial

340
0

Reportazen Henrique S. De Jesus

Primeiru Ministru, Taur Matan Ruak fo pose ba membru Konsellu Nasional Dezenvolvimentu Juventude (KNDJ) hamutuk nain 17.

Liu hosi seremonia tomada de posse, membru KNDJ, Amenica Machado Fernandes ne’ebe reprezenta Sekretariu Estadu Ambiente hateten governu tenki involve juventude iha atividade hotu tamba nu’udar media importante no Gersaun ba nasaun.

“Ohin ne’e tomada de posse ba membru konsellu Nasional dezemvolvimentu juventude, ne’e nu’udar konsellu atu fo konselleiru ba iha membru governu sira para oinsa atu planu ka atividade ne’e tenki involve joventude sira? tamba ita hare katak joventude sira ne’e nu’udar media importante, ita tenki konsidera sira iha kualker atividade no ita presija atu involve sira tamba, sira mak gerasaun ba nasaun ida ne’e. Wainhira ita la konsidera sira sei monu problemas entre joventude sira. Entaun governu iha inisiativas diak oinsa estabele atividade ida ne’e hodi bele konsidera joventude sira iha atividade hotu tantu hanesan iha planu ka atividades sekretariu estadu meiu ambiente nian presija mos konsidera juventude i husi agrikultura mos tenki presija konsidera juventude no mos ministeiru sira hotu ne’ebe involve iha laran”, dehan Amenica iha salaun Ministeriu Finansas, 16/11/2020

Amenica dehan serbisu hamutuk ho KNDJ sei minimiza konflitu tamba konflitu ne’ebe barak akontese ba joven sira iha Timor, menus husi kapasitasaun no presiza invlove sira iha atividade hotu.

“Ita fiar katak ita hotu servisu hamutuk ita involve juventude sira ita lori ita nia nasaun ne’e ba sai diak liu tan, ita sei minimiza konflitu ne’ebe maka babain akontese i ita hatene katak konflitu sira ne’e akontese tamba deit ita la kapasita no la naran involve sira iha kualker atividade iha kada ministeiru sira hotu. Maibe hamutuk ho konsellu nasional dezemvolvimentu juventude ida ne’e  ita sei hare no servisu makas hodi bele hadia diak liu tan. Oinsa ita atu involve juventude sira  iha seitores hotu”, dehan Amenica

Nia hamenu ba foinsa’e sira katak Timor ita hotu nian, juventude sira nu’udar jerasaun ba nasaun. Konsellu Nasional Juventude hanesan sumbrinha ida ba juventude, sira bele kolabora ho konsellu ida, entre liña ministerial no bele serbisu hamutuk diak liu tan.

Iha fatin hanesan Sekretariu Estadu Juventude no Desportu (SEJD),  Abrão Saldanha hateten Konsellu Nasional ne’e iha, hodi lori asuntu joven nian, sai asuntu transvesal iha liña ministeiru hotu, laos deit SEJD maibe serbisu hamutuk ho Ministeiru hotu, hodi buka solusaun ba problema Joven nian.

“Problema bo’ot juventude nian maka empregu no formasau, entaun oinsa maka buka solusaun para para buka estratejia no intervensaun iha liña ministerial sira hotu, laos sekretaria estadu juventude deit mak sei tomakonta ba ita ne’e, joven iha agrikultura, joven iha komersiu, joven iha turizmu, joven iha siensian oteknolojia, joven iha areas oioin ne’e, ita bele buka planu integradu ida, planu ne’ebe mak konsellu ne’e sei halo mak sei lao uluk asaun nasional integradu ba joven sira, depois planu ne’e iha ona maka sei implementa no koordena hamutuk organizasaun juventude sira ba planu ne’e” dehan Sekretariu Estadu Abrao

Entertantu, Sekretariu Estadu ne’e mos salienta liu tan katak Diretores Jeral sira hanesan membru ba KNDJ, tamba sira mak hela ho memoria, maske membru governu troka malu, maibe dezemvolvimentu juventude kontinua lao nafatin

“KNDJ ne’e mai husi entidades publikas ho privada, ne’e mak diretor jeral sira mak hanesan makina estadu nian profisinalizmu, publiku sira mak hola parte iha ida ne’e, para oinsa maka inter ministerial ne’e serbisu ba joven laos deit ba SEJD, tamba sira mak sei hela ho memoria instituisaun nian ba governasaun tomak membru governu bele troka malu maibe nafatin kontinua hodi dezemvolve juventude”, dehan Abrao

 Tuir dekretu lei mandatu ba membru sira ne’e tinan durante 4, ba parte governu, sira sei rekomenda ba iha planu integrada, konaba kestaun s dezenvolovimentu juventude nian. Lonsellu ne’e tuir dekretu lei Primeiru Ministru mak sei diriji no delega ona kompetensia ba Sekretaria Estadu Juventude no Desportu atu prijidi no koordena serbisu tomak konsellu ninian.

Seremonia tomada de pose ne’e halo’o iha salaun Ministeiru das  Finansas  Aitarak laran, ne’ebe hetan partisipasaun masimu hosi membru governu sira.

Print Friendly, PDF & Email

LEAVE A REPLY

Please enter your comment!
Please enter your name here