Home Notisia PPN: Sidadaun Sira Kolabora Ho Autoridade no Pesoal Saude Ne’ebe Serbisu Makaas...

PPN: Sidadaun Sira Kolabora Ho Autoridade no Pesoal Saude Ne’ebe Serbisu Makaas Iha Terenu

848
0
PPN Aniceto Guterres. [Foto: Santina Lucia da Costa | 18.08.2020]

Reportazen Francisco JDA

Parlamentu Nasionál hala’o konferensia imprensa relasiona  ho numeru COVID-19 ne’ebe kontinua sae ne’ebe fo impkatu ba saúde públika, moris sosial no ekonomia sidadaun sira. liu hosi komunikadu imprensa ne’ebe Neon Metin asesu, Parlamentu Nasional deklara katak medida sira ne’e hatudu estadu nia prekupasaun no vontade atu salva sidadaun ba mantein atividade bázika nesesidade sosial ekonómika bele funsiona nafatin, instituisaun privadu no públika tuir regra pandemia nia hodi mantein saúde públika

Prezidente Parlamentu Nasionál (PN), Aniceto Guterres liu hosi komunikadu Imprensa ne’ebé Neon Metin asesu hateten governu deside aplika medida serka Sanitaria konfinamentu obrigatorio ba dala rua to’o 2 Abríl no Municipiu Baucau no Viqueque to’o 29 Marsu, maibé la taka dalan ba observasaun kritika objetivu ba aplikasaun ne’ebé governu foti no mós nakloke ba jugestaun, nune’e Parlamentu mós kontinua nia atividade rutinas ba plenario semana ida dala ida.

“Parlamentu Nasionál nudar orgaun reprezentante povu, nia kontinua atividade sira rutinas hanesan plenario minimu dala ida semana ida, ita rekoinese katak medida ne’ebé estadu ka governu foti hodi prevene no mitiga ka hamenus expansaun no impaktu hosi pandemia ne’e la’ós perfeitu, ne’e duni presiza hotu-hotu nia kontribuisaun no kooperasaun hodi fo benefisiu ba ita hotu,” hateten Presidente Parlamentu Nasionál Anicetu Guterres liu hosi komunikadu ne’ebé Neon Metin asesu 19/03

Aniceto Guterres reforsa tan estadu ka governu la iha intensaun atu foti medida ne’ebé estraga fali povu ne’ebé nudar fonte ka hun hosi soberania no poder polítiku, karik iha falla ruma iha implementasaun medidas hirak ne’e halo favor hato’o ba entidades kompentente.

Prezidente Parlamentu husu sidadaun sira atu kolabora ho autoridade sira pesosal saúde no seguransa sira ne’ebé serbisu halo sakrifisiu makaas iha terenu.

Print Friendly, PDF & Email

LEAVE A REPLY

Please enter your comment!
Please enter your name here