Home Notisia WFP no CNL Asina MoU Doasaun Patrimoniu, Hodi Hadiak Sistema Jestaun Supply...

WFP no CNL Asina MoU Doasaun Patrimoniu, Hodi Hadiak Sistema Jestaun Supply Chain

266
0
World Food Program) ho (CNL) asina (MOU). [Foto: Copyright PI WFP | 14.05.2020]

Ekipa Neon Metin

Programa Alimentar Mundial (World Food Program) ho Centru Nasional Lojistiku (CNL) iha Timor-Leste asina ona Memorandum of Understanding (MOU) hodi kontinua sai hanesan parseiru hodi hadia  jestaun  supply chain NLC ne’ebé nu’udar fornesedor principal ba redi merkadoria seguransa social nian iha nasaun ne’e, inklui mos,  fos ba programa nasional Merenda Escolar nian.

Reprezentante WFP, Dageng Liu hatete katak MoU ne’e sei hametin liutan kolaborasaun no kapasidade CLN nian hodi implementa atividade sira.

“MoU no doasaun ne’e hanesan parte kolaborasaun mutual hodi  halo diak no  hametin liu tan kapasidade NLC iha implementasaun atividade sira nian, nu’udar  fasilitasaun  hodi hamutuk hala’o  monitorijasaun trimestrais no visita supervisaun ba area jeografiku ne’ebé targetu ona, inklui fornese data no relatoriu iha prokuramentu kualidade no kuantidade importasaun foos nian; iha progresu monitorijasaun presesu merkadoria nian; konsidera mos nu’udar  kontribusaun foos nian em  termu sasan ba disastre naturais; ida nee hanesan parte kontinuasaun komitmentu hosi WFP ne’ebe lista ona iha Planu Estratejia Nasaun nian (2018-2020) hodi hakuak mudansa  prestasaun asistensia alimentar ba involvimentu politiku no desenvolvimentu kapasidade governu Timor-Leste nian,” Reprezentante WFP, Dageng Liu hatete iha ceremonia entrega doasaun, iha UN House Caicoli, 14/05.

Ho asinatura ba MoU ne’e WFP halo doasaun Toyota land cruiser 1,  Motor Honda Supra X 2  no  laptop  DELL VOSTRO  10 ba Centru Logistiku Nasional.

Presidente Centru Logistiku Nasional, Augusto Junior, expresa katak kooperasaun ne’e sei metin liutan hodi haree ba supply chain.

“CLN iha Ministériu Turismu Komérsiu no Industria (MTCI) hanesan ajensia governu ida ne’ebé kontinua servisu hamutuk ho WFP, no ami hare ajudu nee sei hametin no hasae liu tan sira nia kapasidade iha kolaborasaun nee, liu-liu iha area Jestaun Supply Chain no atividade signifikadu sira seluk,” Presidente CLN hatete iha nia intervensaun simu doasaun hosi WFP.

Serimonia nee realiza ohin iha salaun Kofi Annan, UN House Caicoli, Dili. Partisipa husi UN Resident Coordinator Roy Triverdi, Country Representative WFP-Timor Leste Dageng Liu, Presidente CLN Augusto Junior, Diretur Geral CLN Jacinto Paijo no funsionariu sira.

MoU ne’e marka tinan ida kolaborasaun entre WFP no NLC ne’ebé hateten katak kontinua sai hanesan parseiru hodi hadia  jestaun  supply chain NLC ne’ebé nu’udar fornesedor principal ba redi merkadoria seguransa social nian iha nasaun ne, inklui mos,  foos   programa nasional Merenda Escolar nian.

LEAVE A REPLY

Please enter your comment!
Please enter your name here