Home Uncategorized Covid-19, Lere: Forsas Armadas Komesa Haforsa tan Seguransa Iha Fronteira

Covid-19, Lere: Forsas Armadas Komesa Haforsa tan Seguransa Iha Fronteira

264
0
Xefe Estadu Maior Jenerál FFDTL Major Jenerál Lere Anan Timur. [Foto: Santina Lucia da Costa | 13.05.2020]

Reportazen Santina Lucia da Costa

Xefe Estadu Maior Jenerál FALINTIL -Forsa Defeza Timor-Leste Major Jenerál Lere Anan Timur hasoru malu ho Prezidente da Republika hodi informa atividade regular FFDTL nian, liu-liu konaba situasaun rai laran nian no situasaun politika. Hafoin sorumutu Major Jenereal Lere Anan Timur ba jornalista sira hateten iha enkontru ohin loron nian hare liu ba asumtu atividade forsas armadas nian.

“Ita hotu hatene katak situasaun di’ak hela, kalma buat ida laiha, atividades forsas armadas ninian, ami komesa ona reforsa fronteira ninian, seguransa fronteira, laos tanba funu maibe funu hasoru Corona virus.  Ida ne’e mak ami reforsa, postu balun rua ka tolu iha fronteira atu prevene ema ne’ebe tama ilegal, bele lori moras mai kontazia ita nia populasaun, tanba ne’e mak reforsa tan segurasa iha fronteira”, hateten Lere Anan Timur, iha palacio prezidensia 13/05

Maiór Jenerál, Lere Anan Timur haktuir sira ne’ebe tama fronteira ilegal, bainhira hetan tenki kaer lori mai, se sira halai tiru tohar tiha nia ain, fronteira ne’e fronteira nasaun rua mak fahe malu, tama tenke tuir dalan laos tama tuir janela.

Lere Anan Timur dehan situasaun forsa armadas ho impase politika ida ne’e, hasoru difikulkdade balun liu-liu konaba lojistika. Manutensaun kareta no seluktan, “maibe ita labele fo sala ba situasaun, agora mak ida-idak, lider ida-idak, dirijente ida-idak, komandante ida-idak halo oinsa para bele normaliza ninia atividades lorloron ninian”.

LEAVE A REPLY

Please enter your comment!
Please enter your name here