Home Notisia Iha Suku Kaikoli Elitores hamutuk 5,806, Maibé nain 3,741 La Partisipa Iha...

Iha Suku Kaikoli Elitores hamutuk 5,806, Maibé nain 3,741 La Partisipa Iha Eleisaun Suku

2203
0
Xefe suku Kaikoli, Hipolito Marques Sarmento. [Foto: Joanina | 29.10.2023]

Reportajen Joanina Casamiro

Iha Suku Kaikoli postu Administrativu Vera Cruz Munisípiu Dili, elitores hamutuk 5,806, maibé komunidadu hamutuk 3,741 lapartesipa iha elisaun orgaun suku no elitores hamutuk 2,065 maka partesipa iha elisaun orgaun suku. Nune’e mós iha elisaun orgaun suku iha Kaikoli, Hipolito Marques Sarmento kontinua hetan konfiansa husi komunidade ho Votus hamutuk 1,131 hodi sai xefe suku iha Kaikoli.

Xefe suku Kaikoli, Hipolito Marques Sarmento, lei fo dalan ba xefe suku tuan sira hodi rekandidatu aan, tanba ne’e iha populasaun hosi aldeia 01 to’o 05 prontu nafatin apoiu ho ida ne’e maka rekandidatu aan. Agradese mós ba povu sira ne’ebé kontinua hili ba dala tolu hodi sai xefe suku iha Kaikoli.

“Ha’u nia rekandidatu aan ne’e apoiu husi komunidade, tanba ne’e ha’u nafatin rekandidatu hodi kompete ho xefe suku foun sira. Tanba iha ha’u nia mandatu antes buat balu mak ha’u seidauk halo kompletu tanba ne’e mak ha’u hakarak kandidatu aan nafatin. Ha’u la promete buat ida ba sira, tanba iha inisiu 2009 ha’u la promete, maibé buat balun atu halo ba sira, ikus mai halo duni buat balun ba sira,” Dehan Xefe suku kaikoli Hipolito ba Neon Metin iha Sede Suku Kaikoli 30/10.

Nia haktuir iha nia mandatu antes ne’e la promete buat ruma ba sira tantu agora periode ba dala tolu nian, nia sei la promete buat ruma ba komunidade maibé saida mak estadu nia planu atu halo sentraliza iha suku ida ne’e nia sei halo ba iha nia mandatu dala ne’e.

“Progrma preoridade liu ha’u sei halo iha terseiru mandatu mak primeiru luga mak ha’u hakarak hadia valeta iha suku kaikoli ha’u nia hakarak ponte kiik oan sira iha suku laran ha’u tenke sobu hotu tanba ida ne’e udan bo’ot fó impaktu ba bee sa’e, no programa sira seluk ha’u hanoin ita sei halo tanba uluk uma naromak ba povu agora ema dehan uma dignu ba povu maibé ida ne’e komforme hosi estadu nia programa saida mak estadu hatun ami halo tuir de’it saida mak estadu sira nia planu,” nia esplika.

Alende ne’e iha elisaun orgaun suku, Iha suku kaikoli, Postu Administrativu Vera Cruz, Munisípiu Dili, Hipolito Marques Sarmento sai vensedór ho votus hamutuk 1131, tuir mai mak. Noel de Jesus Marçal ho votus 384. Tuir tan mak Senzarina Costa Seicas ho Votus hamutuk 243. Tuir mai tan mak Laurentino Lopes da Cruz ho votus 191, no ikus liu mak. Luis Boavida ho votus hamutuk 45. No iha votus Branku hamutuk 13 no Nulu hamutuk 58.

Total populasaun suku Kaikoli 5.806 maibé ema ne’ebé tuir votasaun iha elisaun orgaun suku iha Suku Kaikoli hamutuk 2,065 no ema ne’ebé maka lapartesipa iha elisaun orgaun suku iha suku kaikoli hamutuk 3, 741.

Print Friendly, PDF & Email

LEAVE A REPLY

Please enter your comment!
Please enter your name here