Home Uncategorized Eskola Filial 4 Kuluhun Kontinua Eskola, Maibe Sedauk Hetan Apoiu Ba Prevensaun...

Eskola Filial 4 Kuluhun Kontinua Eskola, Maibe Sedauk Hetan Apoiu Ba Prevensaun COVID-19

219
0
estudante sira iha Eskola Bázika Filial 4 Kuluhun. [Foto: Francisco JDA | 28.08.2020]

Reportazen Francisco JDA

Eskola Bázika Filial 4 Kuluhun kontinua tuir kriteriu hosi Ministeriu Saúde no Organizasaun mundiál saúde (OMS), hodi implementa protokolu COVID-19 iha eskola hanesan prepara bee moos, distansia fiziku no uza maskra.

Neon Metin halo entrevista ho Diretor Eskola Bázika Filial 4 Kuluhun, Domingos Magno kona lalaok eskola iha situasaun COVID-19. Ba Neon Metin Diretor Eskola Bazika Filial 4 hateten, eskola kontinua monta bee no tau sabaun iha liur hodi nune’e estudante sir abele fase liman antes tama iha sala laran.

Diretor Domingos hateten iha sala laran mos kumpri distansia fizku no aula kada grupu ka truka malu, maske nune’e Diretor konfesa katak eskola refere sedauk simu apoiu hosi parte kompetente ruma, ba apoiu prevensaun COVID-19.

“Ami seidauk simu apoio ida hosi fatin ne’ebé de’it, iha ne’e eskola rasik mak Jere, iha momentu ne’ebá Eis Ministra Edukasaun ko’alia hela dehan osan Konsensaun ne’e konsentra iha Central, Jere ka monta kedas bee sabaun iha ami nia eskola”, hateten Diretor Eskola Filial 4 Kuluhun iha Becora, 27/08

Diretor Domingos hatutan tan katak, manorin sira hamenu ba inan aman atu prepara maskra ba estudante sira, tanba eskola sira la iha Kbiit  atu sosa, maibé so bele deit prepara bee no sabaun sira atu estudante bele fase liman mai eskola.

Maibe tuir observasaun direita hosi Neon Metin katak estudante balun la uza maskra iha sala laran no la iha distansia fiziku liu hosi metru ida.

LEAVE A REPLY

Please enter your comment!
Please enter your name here