Home Notisia Dili Dialogue Forum, PPN: Ha’u mós Garante Hodi  Defende Liberdade Imprensa Iha...

Dili Dialogue Forum, PPN: Ha’u mós Garante Hodi  Defende Liberdade Imprensa Iha TL

507
0
Prezidente Parlamentu Nasional, Fernanda Lay. [Foto: Media KI}

Reportajen David da Costa

Iha Dili Dialogue Forum ne’ebé maka Konsellu Imprensa (KI) Timor-Leste organiza ho Tema “Papel Midia Hasoru Krize Ambiental “Tema ne’e, nu’udar kontinuasaun husi tema Loron Mundial Liberdade Imprensa tinan 2024, kona – ba “Imprensa ba Planeta”. Prezidente Parlamentu Nasionál (PPN) iha nian pozisaun katak sei no defende liberdade Imprensa iha Timor-Leste.

Prezidente Parlamentu Nasionál (PPN) Maria Fernanda Lay, hateten, iha Loron Mundial Liberdade Imprensanian selebra iha loron 3  maio, exatamente semana ida liu bá ona. Loron Mundial Liberdade Imprensa nian konvida ema hotu atu hanoin kona-ba desafu global boboot sira agora daudaun no kona-ba profssional informação sira-nia importânsia, hodi esklarese, hodi defende liberdade Imprensanian no liberdade de expressaun, iha mundo ho inserteza barak liu ba beibeik ne’ebé hamosu perigu mesmu ba demokrasia sira ne’ebé metin loos.

Tuir Organização das Nações Unidas (ONU) nia liafuan, Imprensa livre nu’udar “fatuk base” ba sosiedade demokrátka sira hodi luta hasoru desinformasaun no konforme ema  hatene, Loron Mundial Liberdade Imprensa nian, ne’ebé komemora desde tinan ruanulu liubá ho apoiu husi ONU, ho nia  objetvo maka “Selebra princípios fundamentais liberdade  jornalismo nian no hametin  Governo sira-nia kompromisiu  ba jornalista sira no ba  liberdade hodi hala’o sira-nia profssão”.

Só imprensa ida ne’ebé livre no  independente tebes, nu’udar  “quarto poder”, mak bele sai mahein hodi garante sidadaun  sira-nia direitos e liberdades,  serbisu iha xefe de Estado, Parlamentos no Tribunais nia sorin.

Tanba Iha 2023,  iha ranking ida ho nasaun 180, Timor-Leste mosu iha  pozisaun número 10 kona-ba Liberdade Imprensa nian, konforme ONG “Repórteres  Sem Fronteiras”, no ida-ne’e halo Timor-Leste laran-ksolok tebe.

“Ha’u hakarak hatete momoos iha ne’e dala ida tan katak  pozisaun Parlamento Nacional metin, no ha’u mós garante  ha’u-nia empeñu rasik, hodi  defende liberdade meios de Komunikasaun nian iha Timor-Leste. Bainhira ha’u assume knaar nu’udar PPN  iha juño 2023, ha’u mós assume dala  ida kompromisiu metin ba integridade no ba kredibilidade no ha’u defende maka’as liberdade de expressaun nu’udar  direito fundamental iha ita-nia demokracia nurak, direitu ida ne’ebé labele halakon duni ” dehan PPN  Fernanda Lay, Iha nia Diskursu The Dili Dialogue Forum, iha Salaun Multifunsaun GMNTV Bebora, Sexta 10/05.

Media nia responsabilidade hodi aumenta públiku nia Konsciência, liuliu iha sira nia komunidade, kona-ba tema  hirak-ne’ebé importante tebes agora ne’e daudaun boot liu ba beibeik bainhira haree mundo hakat lailais atu bá monu iha rai-naruk klimátiu.

Rai-naruk klimátlu ida-ne’e infelizmente agora la’ós ona buat ida aat ne’ebé ambientalista radikal imagina de’it hodi hata’uk públiku, maibé  ne’e situasaun real ne’ebé konfirma husi eventos  klimátikus extremos no kalamidade oioin ne’ebé akontece barak liu ba beibeik no sobu buat barabarak. Exemplo husi mudansa klimátka hirak-ne’e maka inundasaun boot ne’ebé haterus povu foin fulan kotuk,iha abril, depois de 2023 sai nu’udar tinan  manas liu hotu ne’ebé ema regista tiha ona no durante ne’e mosu situasaun temperatura manas demais no bailoro naruk aat tebes.

Iha dékada ikus ne’e, ho temperatura média ne’ebé sa’e ho maneira ne’ebé halo ita ta’uk, la iha regiaun seluk iha mundo ne’ebé terus hanessan regiaun Ásia-Pacífku, ho inundasaun barak, no anin boboot inklui kiclone no tufaun, no ameasa tusunami dala hira, tuir Ásia-Pacifco Disaster Report iha 2023, no tempo ne’ebé sei iha oportunidade atu aumenta regiaun nia resiliência agora ba dakona.

“Hasa’e ema nia konsciência kona-ba ambiente agora importante liu ba beibeik,tanba área besik tasi, estado sira-ne’ebé ilha, hanessan ita-nian, no sira-nia ecossistemas, nomós bem-estar ba gerasaun agora daudaun no aban-bainrua nian hetan ameasa ne’ebé besik akontece no la kleur sei la bele resolve ona, no razaun principal ba ida-ne’e maka impakto humano ba meio ambiente,” nia esplika.

Tanba ne’e urgente ema hotu nia kompromisu hodi protege planeta no hodi hamenos konsequência aat husi gestaun recursos la efsiente durante tempo barak, no atu promove desenvolvimento ne’ebé sustentável tebes. PPN mós fiar katak iha kontexto ne’e Media nia papel fundamental  tebetebes, liuliu se jornalista sira-ne’ebé informado, imparsial no la hakru’uk ba ema terceiros sira nia interferência, barak nia denuncia interesse  ekonómicos no prátka ambiental aat sira ne’ebé estraga tan equilíbrio no sustentabilidade frágil husi planeta azul ne’e, no iha força atu motiva populasaun ba práticas ambientais ne’ebé sustentável liután.

Imprensa bele no tenkue hola parte iha esforço ba prátika rigor nian, no jornalista sira devia halo mapa hodi hatudu desafos ambientais ne’ebé ema hotu-hotu, la iha excesaun, hassoru, no mós fó-sai informação kona-ba solusaun hirak ne’ebé disponível, no incentva edukasaun públika no partcipasaun sívika, ba defesa meio ambiente.

“Maibé ita labele haluha katak iha ita-nia mundo agora sai buat ida baibain de’it bainhira ema fó-sai informasaun falsa (fake news),  liuliu iha redes sociais, no desinformasaun sai buat ida hanessan normal no sai ameasa, ne’ebé hata’uk ita, ba informasaun credível, ba demokrasia no ba paz social,” nia Subliña.

Tanba ne’e, Media sira mós iha funsaun pedagógika fundamental hodi informa no eduka populasaun kona-ba questaun ambiental no ecológika sira. Serbissu lisuk ho.insttuisaun legisladora principal, maka Parlamento Nacional, no ho apoio husi parceiros internacionais, ONG no educador sira, no tenke hamutuk, hala’o papel fundamental hodi hassa’e população nia consciênsia ba risco ambiental sira, no hodi promove prátkas ambientais di’ak no hodi aprova, implementa no halekar informasaun kona-ba quadro legal metin no maka’as iha domínio ne’e.

“Importante tebes ita hotu reconhece risco ambiental boot sira ne’ebé liuliu estado insular ki’ik oan sira-ne’ebé sei iha dalan ba desenvolvimento, hanessan Timor-Leste, hassoru, tanba sira vulnerável ba desastre natural sira no ba desafios klimátkos, específcos ne’ebé estraga biodiversidade, enquanto acontece processo rai sai rai-fuik maran lailais tanba aquecimento global, no mós nível bee tasi nian sa’e no tasi nia temperatura média aumenta,” nia hateten.

Nia haktuir, Kona-ba matéria ambiental hakarak fó -hanoin katak, iha ninia Programa, IX Governo assume kompromisiu metin ba protesaun ambiental no ba desenvolvimento sustentável iha  Nasaun Timor-Leste  no atu buka hala’o Objetvos de Desenvolvimento Sustentável (ODS).

“Ita tenkue buka solusaun sustentável sira ba ecossistema sira-nia problemas ne’ebé haterus ita, inklui economia azul no polítca ambiental oioin, no promove formasaun ba jornalista sira kona-ba temas ambientais no incentiva reciclagem nu’udar parte integrante ba solusaun ba resíduo sira-ne’ebé reciclável. Ha’u sei la ko’alia naruk tan no, molok ha’u remata, ha’u hakarak agradece Ita -Boot sira nia presença iha ne’e  ohin nomós Ita-Boot sira nia partsipasaun atva iha discusaun tuir mai tanba hamutuk de’it, ha’u fiar, maka ita sei konsegue hassoru desafiu boot sira iha ita-nia oin no harii futuro di’ak liu ba Timor-Leste, ba ita-nia jovem sira no ba planeta,”nia Afirma.

Print Friendly, PDF & Email

LEAVE A REPLY

Please enter your comment!
Please enter your name here