Home Notisia Konselleiru Benevides no Franscisco La Marka Prezensa Iha DDF, Hatudu Aktu Protestu...

Konselleiru Benevides no Franscisco La Marka Prezensa Iha DDF, Hatudu Aktu Protestu Ba SECOMS, Halo Intervensaun Ba Sala Redasaun RTTL no Tatoli

2346
0
Konselleiru Benevides Correia Baros no Francisco Belo Simoes da Costa. [Foto: Media KI}

Reportajen Zevonia no David da Costa

Konselleiru Benevides Correia Baros no Francisco Belo Simoes da Costa la marka prezensa iha The Dili Dialogue Forum, no loron moris Konsellu Imprensa Timor-Leste ba dala walu nian. Via telefone Neon Metin halo konfirmasaun ho Konselleiru Benevides Correia Baros, tanba sa la marka prezensa iha loron refere, ba Neon Metin nia esplika razaun marka prezensa tanba iha loron  7 Maiu 2024, liuhosi  konselleiru sira nia grupu WhatsApp, solisita Prezidente Konselleiru Imprensa Otelio Ote, Konselleiru Amito Araujo, Francisco Belo no Konselleira Isabel M.F de Jesus, katak hodi kansela orador Sekretariu Estadu Komunikasaun Sosial, Espedito Dias Ximenes atu sai orador iha Dili Dialog Forum (DDF) no halo enserramentu.

 “So Konselleiru Qito maka fo’o resposta katak konkorda kansela SECOMS nudar orador ba DDF no halo enseramentu ba DDF”, dehan Konselleiru Benevides via telefone, iha loron 10/05.

Nia informa tan razaun seluk sira la marka prezensa tanba Prezidente Konsellu Imprensa, Konselleiru Amito no Isabel la pronunsia, no Konselleiru Francisco maka deklara konkorda halo kanselamentu.

“Hau solisita kanselamentu ne’e tanba SECOMS halo intervensaun no influensia direitu ba Sala Redasaun RTTL. Hau la partisipa iha DDF hanesan forma protesta no reziste hasoru SECOMS ne’ebe halo intervensaun no influensia ba Sala Redasaun RTTL no notísia iha TATOLI”, dehan Konselleiru Benevides.

Tuir Benevides presiza iha komitmentu hodi banati tuir no respeita prinsipiu Estadu Direitu Demokratiku konsagradu Iha KRDTL, defende independensia media/journalista sira hosi influensia poder politiku no ekonómiku, Proteza profisaun jornalista sira hosi intervensaun poder politiku no ekonómiku, Proteza liberdade imprensa no liberdade espresaun, Proteza direitu no interese publika hodi livre asesu ba notisia no informasaun ne’ebe kredibel no akurat, la fo’o biban ba autoridade sira viola lei komunikasaun sosial ho ninia regulamentu komplementar sira, defende prinsípiu transparente no defende atu labele eziste sensura.

Iha fatin hanesan Neon Metin halo konfirmasaun ho Diretor Ezekutiva Konsellu Imprensa Antonio Dias  hateten, nia parte laiha informasaun kona-ba Konselleiru nain rua Benvides Correia Baros no Francisco Belo Simoes da Costa, ne’ebe maka la partisipa iha The Dili Dialogue Forum ne’e, maibé tuir nia hatene katak, membru Konsellu Imprensa sira ne’e partisipa hotu iha ne’e serimónia refere.

“Hau laiha informasaun ba Konselleiru nain rua la partisipa iha ne’e, hau hatene katak Konselleiru KI  hotu-hotu partisipa iha ne’e,” dehan Diretór Ezekutivu KI, Antonio Dias.

Entertantu iha loron 1o Maiu 2024, Konsellu Imprensa Timor-Leste selebra loron moris ba dala walu no realiza the Dili Dialogue Forum ho tema Jurnalismu hasoru krize ambiental, ho orador internasional sira mai husi Indonesia no Thailand no mos orador nasional sira, ne’ebe halao iha salaun GMNTV Bebora.

Print Friendly, PDF & Email

LEAVE A REPLY

Please enter your comment!
Please enter your name here