Home Notisia Teste Eskrita Aplikasaun Vaga Online PALM Scheme 2023 Sei iha Prosesu Koreksaun

Teste Eskrita Aplikasaun Vaga Online PALM Scheme 2023 Sei iha Prosesu Koreksaun

11607
0
Diretor Jerál SEPOFE, Carlito Rosario Cabral. Foto : Umbelina]

Reportajen Umbelina dos Reis

Sekretáriu Estadu Formasaun Profesional no Empregu (SEFOPE), liu hosi Diresaun Nasional Empregu Estranjeiru (DNEE), informa ba públiku katak aplikante sira ne’ebé foin lalais aplika ba vaga PALM Scheme online iha fulan Marsu 2023 ba sira II etapa ne’ebé hahú no tuir ona teste eskrita até agora seidauk taka sai rezultadu tanba sei iha prosesu de koreksaun, no sei iha koreksaun ne’ebé envolve entidade relevante importante sira nune’e evita sistema familiarizmu iha SEPOFE.

“Vaga online ne’ebé foin lalais aplikante sira tuir teste eskrita iha munisípiu hotu-hotu ne’ebé seidauk públika sai tanba agora dau-daun sei prepara hela ba koreksaun matéria ne’ebé trabaladór sira foin lalais tuir teste iha fatin refere. Nune’e halo koreksaun hotu ita sei konvida instituisaun balun mai asiste, karik iha posibilidade bele konvida  hanesan Comissão Anti-Corrupção (CAC-sigla portugues) Institutu Jestaun Ekipamentus (IGE-sigla Portugues) no Provedoria dos Direitos Humanos e Justiça (PDJH) para mai partisipa hotu.” Dehan Diretor Jeral SEPOFE, Carlito  Rosario Cabral, ba Jornalista sira iha Suai Room Timor Plaza, segunda-feira, 13/05.

Nia hatutan, atu garante prossesu de koreksaun no evita atu labele halo familiarizmu iha SEPOFE, nia ho ekipa iha hanoin ida atu halo koreksaun ba matéria sira ne’e sei komunika CAC, IJE no PDHJ hodi partisipa iha prossesu koreksaun ne’e.

“Koreksaun matéria sira ne’e atu ita bele garante katak prossesu ne’ebé ita halo hanesan ema balun hateten katak iha politizmu, familiarizmu partidarizmu politiza buat sira ne’e ita atu evita entaun ami ekipa ida hanoin atu halo koreksaun matéria sira ne’e ita sei komunika ho CAC, IJE no PDHJ sira hodi parsipa prossesu sira ne’e karik iha posibilidade.” Nia realsa.

Nia informa, alikantes sira ne’ebé mak tuir ona teste eskrita hamutuk 50.578 la limita tanba ne’e direitu ema nian no desizaun husi empregador sira mak bele deside hodi bolu traballadór sira ne’ebé hatudu sira nia servisu di’ak.

“Aplikantes ne’ebé foin da-dauk tuir teste ne’e ita la limita, ne’e direitu ema ida-idak nian, desizaun ne’e la’os ita mak deside.”

Númeru total aplikante munisípiu 13 inklui RAEOA hamutuk 50.578 (Rihun lima nulu atus Lima Hitunulu Resin Ualu) kompostu hosi feto 19.314  no mane 31.264.

Print Friendly, PDF & Email

LEAVE A REPLY

Please enter your comment!
Please enter your name here