Home Notisia Servisu iha Australia, Epifania Konsege Loke Rasik Restaurante

Servisu iha Australia, Epifania Konsege Loke Rasik Restaurante

3317
0
Traballadór Epifania Luisa da Costa. [Foto: Umbelina]

Reportajen Umbelina dos Reis

Governu liu hosi Sekretáriu Estadu Formasaun Profesional Empregu (SEFOPE) kria programa mobilidade laboral, traballadór Epifania sente orgullu tanba bele hetan oportunidade ba dala-6 hodi ba servisu iha Australia no rezultadu orsamentu ne’ebé nia hetan halo ona ba Restaurante Cafe.

Traballadór Epifania Luisa da Costa dehan, nu’udar sidadaun Timor-oan sente orgullu tebes tanba governu liu hosi SEFOPE bele kria programa mobilidade laboral nune’e Timor oan ne’ebé tuir tes bele hetan oportunidade ne’ebé di’ak  hodi ba servisu iha Australia.

“Ha’u sente agradese no orgullu tebes ba SEFOPE tanba bele hetan oportunidade ba faze agora ne’e ba dala-neen ona servisu iha Australia, servisu iha Restaurante Ospitalidade no área waitress, maibé manager haree ha’u nia komportamentu servisu di’ak entaun iha ne’eba menager foti ha’u hanesan Team Leader iha Restaurante refere.” Epifania dehan ba jornalista sira, iha Timor Plaza, Suai room, segunda-feira, 13/05.

Nia hatutan, durante nia servisu ne’e rezultadu osan agora dau-daun halo ona ba Restaurante Cafe, maibé sei iha prosesu nian laran, espera tinan oin bele fó sai rezultadu ne’ebé mak di’ak.

“Restaurante Cafe ne’ebé agora dau-daun sei iha prosesu nia laran ne’e, nune’e ha’u fó fiar ba alin mak haree no tau matan ba, maibé ha’u fó osan nesesidade bázika nian.”

Nia mensajen ba Timor-oan sira ba servisu iha Australia tenki badinas, on time, hatudu atitude ne’ebé mak di’ak, nune’e bainhira kontratu remata karik kompaiña presiza no bolu nafatin ita nu’udar traballadór.

Print Friendly, PDF & Email

LEAVE A REPLY

Please enter your comment!
Please enter your name here