Home Notisia MEJD ho PARCIC Asina Memorandum Ba Programa Saude Alimentar

MEJD ho PARCIC Asina Memorandum Ba Programa Saude Alimentar

360
0
MEJD, PARCIC ho Embaixador Japaun iha TL. [Foto: David da Costa | 27.08.2020]

Reportazen David da Costa Gusmao

Ministeru Edukasaun Juventude no Desportu (MEJD) liu husi Diretór Jerál Planu Politika Inklusaun (DGPPI) asina akordu ho governu Japaun konaba projetu hadia nutrisaun liu husi formasaun “furikake” no hadia kustumi alimentar iha Timor-Leste.

Diretór Jerál plano Politika inklusaun (DGPPI), Odilia das Dores Ung Martins hateten iha tinan ida ho balun ona organizasaun husi Japaun ho naran Asia Resource Centre-inter People’s Cooperation (PARCIC Sigla-Inglhes)  hala’o ona atividade ida, atu hapoiu  saude alimentar  ba iha estudante sira.

“PARCIC hala’o ona atividade ida atu apoiu saude alimentar ba ita nia oan estudante sira, dadaun ne’e kontinuasaun aumenta atividade ne’e ba iha municipiu Dili no Ermera, tanba ne’e governu  rua liu husi organizasaun (PARCIC) ho MEJD hamutuk asina ona memorandu ida atu bele koopera hamutuk, atu bele realiza programa aumenta saude alimentar ba ita nian oan sira iha municipiu rua ne’e”, informa Odilia das Dores Ung Martins, iha MEJD, kinta-feira 27/08

Nia dehan razaun hili municipiu rua ne’e tanba Dili nu’udar kapital ne’ebe fasil  ba estudante sira no mos iha komunidade sira atu bele asesu lalais  ba iha  hahan ne’ebe produs husi grupu feto sira iha Atauro, “atu bele pornese hahan ne’ebe produs  duni husi ita nia hahan lokál ne’ebe facil ba iha ita nia ona sira atu hetan hahan ida ne’e”. Atu bele distribui ba muncipiu Dili  hodi bele sai hanesan muncipiu ida ne’ebe asesu lalais ba ai-han ne’e.

Tanba saida mak hili hotu municipu Ermera? MEJD hateten tanba husi rezultadu peskija hatudu katak municipiu Ermera nu’udar muncipiu ida ne’ebe  hatudu rezultadu mal nutrisaun aas tebes ho 75%.“Entaun liu husi pronesimentu ai-han lokál ne’ebe produs ho naran “furikake” ne’e bele  aumenta nutrisaun diak ba ita nia oan sira, liu-liu iha municipiu rua ne’e, nune’e mos bele redus mal nutrisaun iha muncipiu ermera”.

Nia subliña tan iha eskola ensinu basiku iha Dili no Ermera mak sira sei oferese ai-hahan produtu lokál “Furikake” atu nune’e bele haree diferensia estudante sira konsumu ai-han tradisionál sira ne’ebe konsumu ne’e.

“Iha esokla ensinu basiku lima mak ami identika ona, lima husi Dili no lima husi Ermera, ami sei tau atensaun ba iha eskola sira ne’ebe  mak besik iha tasi, foho leten no iha kapital, ho razaun katak iha anibente ida-ke diferente, maibe sira  konsume ai-han ne’ebe hanesan, ho nune’e ita bele hare nia rezultadu husi konsumu ai-han “furikake”ne’ebe estudante sira konsume, iha diferensia ka oinsa”, nia explika.

Embaixadora Japaun iha Timor-Leste, Masami Kinefucihi ho espetativa projetu ne’e bele susesu, hodi lori saude ne’ebe diak liu ba labarik sira iha Timor.

Nia dehan projetu ida ne’e sei kontribui ba atinji objetivu boot ida, hodi bele resolve problema malnutrisaun ba labarik sira iha Timor-Leste. Idea fundamental husi projetu ne’e mak produs no oferese “Furikake”, hahan u’ut nutritivu kahur ho etu, ba merenda eskolar sira iha muncipiu Dili no Ermera, atu nune’e labarik sira bele hetan hahan nutritivu liu no moris saudavel.

Kooperasaun ne’ebe MEJD asina hamtuk ho Governu Japaun ne’e durasaun  tinan tolu ho apoiu orsamentu totál $1 millaun dollar Amerikanu.

Print Friendly, PDF & Email

LEAVE A REPLY

Please enter your comment!
Please enter your name here