Home Notisia PM Relata Preparativus OJE 2020-2021 no Implementasaun Planu Rekuperasaun Ekonomiku Ba PR

PM Relata Preparativus OJE 2020-2021 no Implementasaun Planu Rekuperasaun Ekonomiku Ba PR

247
0
Primeiru MInistru Taur Matan Ruak. [Foto: Santina Lucia da Costa | 27.08.2020]

Reportazen Santina Lucia da Costa

Primeiru Ministru, Taur Matan Ruak hasoru malu ho Prezidente Republika, Dr. Francisco Guterres Lu Olo, hodi informa asuntu konaba Preparativus ba Orsamentu Jeral Estadu (OJE) tinan 2020-2021 nian no implementasaun planu rekuperasaun ekonomiku.

Ba jornalista sira Primeiru Ministru hateten Konsellu Ministru aprova proposta Orsamentu Jeral Estadu 2020 ho valor  $1,497 miloens ne’ebe sura hosi Janeiru to’o Dezembru, ne’ebe mak gasta tiha ona. Sira ne’ebe mak gasta dadaun no sira ne’ebe mak sei gasta depois OJE Prezidente Republika promulga.

Relasiona ho ezekusaun fundu Covid-19, Primeiru Ministru hateten ezekusaun lao di’ak, maibe osan ne’e seidauk gasta hotu, tanba Covid-19 sei iha ho nune’e governu kontinua gasta to’o tinan ne’e remata.

“Governu aloka orsamentu fundu ne’ebe mai husi Covid-19,  Ita gasta mais $100 resin miloens ona, liuliu ba sosa ekipamentus, foos, halo rekooperasaun ba ita nia fatin insfrastrutura, Saude nian, selu transporte sira, komunikasaun, fo subsidiu ba ita nia inan-aman sira no transferensia osan ba familias sira”, hateten Primeiru Ministu hafoin hasoru malu ho Prezidente Republika, iha palacio prezidensia, 27/08.

Taur hateten kona-ba preparativus ba implementasaun planu rekuperasaun ekonomiku ne’ebe aprova tiha ona iha Konsellu Ministru, governu hala’o dadaun serbisu atu integra planu rekuperasaun ekonomika ba OJE tinan 2021 no iha pakote rekuperasaun ekonomiku total $142 miloens.

LEAVE A REPLY

Please enter your comment!
Please enter your name here