Liu hosi enkontru ne’ebe realiza hosi Ministeriu Saude, Diretora Nasional Kontrolo de Doensas, Josefina Clarinha Joao hatete persentajen husi ema ne’ebe fuma aas liu iha mundo maka Timor -Leste ,tamba aktu de fuma sigaru ne’e relasaun ho moras la hadaet hotu kedas no ninia impaktu ne’ebe mak negativu tebes.
“Ami iha ona politika barak ne’ebe mak Ministerio Saude halo ona, para pelumenus atu iha redusaun oituan konaba aktu fuma ne’e, “dehan Diretora Nasional Kontrolu Saude iha JL Vila Aimutin ,01/10.
Nia dehan ema barak mak lakon ona nia vida, balu mate iha hospital, balu mate iha uma no familia dehan toba hela maibe nungka hader mate deit ona. Iha buat barak ne’ebe mak relasiona tebes ho moras la hadaet.
Diretora ne’e mos husu ba joven, katuas no labarik sira ne’ebe fumador karik atu redus aktu fuma, diak liu redus kedas agora, atu nune nia labele redus fali ita nia tempu moris nian.
Tuir dadus hosi Organizasaun Mundiál Saúde (OMS) globalmemte produtu tabaku hamate ema besik miliaun 6 kada tinan. Tuir mós survei Demografia Saúde iha tinan 2018 mane ho idade produtivu hosi 53.7% no feto 4.7% mak uza produtu tabaku . Lei Kontrola Tabaco, artigu 5 hanesan 100% iha fatin públiku livre hosi tabaco, fatin servisu no transporte públiku no envairomentu ne’ebé livre hosi tabaku Hametin mós dekretu Lei no.14/2016 Lei Tabaco, probisaun doasaun no parseria hosi industria tabaco no reforsa mós implementasaunlei tabaco artigu 17 no artigu 15, kona ba proebidu faan tabaco ba minoridade 17 mai kraik no proebidu faan sigaru rahun.
