Home Notisia News Husi TOP Pradet Halo Visum Obrigatoriu Ba Vitima Topu Honis, Pradet:...

News Husi TOP Pradet Halo Visum Obrigatoriu Ba Vitima Topu Honis, Pradet: News Ne’e La Los

3807
0
Pradet - East Timor. [Foto: NM | 10.06.2021]

Reportajen Zevonia Vieira

“Nee laiha ka la temi dehan obriga vítima ida atu hela iha fatin Hakmatek, atu hetan akomodasaun emerjénsia inklui atu obriga sira atu halo visum ne’e laiha. Visum nee kliente ne’e rasik sei asina karta konsentimentu, se nia konkorda mak foin halo visum no  ezame médiku. Laiha impaktu dehan vitima ne’e rasik sente moras, maibe rekolla deit evidénsia entermus istória akontesimentu”. Pradet

Relasiona ho publikasaun hosi The Oe-cusse Post (TOP) ne’ebe hateten katak iha labarik nain 30 mak sai vitima ba visum obrigatóriu ne’ebe hala’o husi parte polisia no Pradet Oe-cusse iha Ambeno tinan 2020. Bele lee iha link ne’e https://www.oekusipost.com/politika/1029-sulan-labarik-feto-sira-durante-semana-ida-maka-foin-halo-visum-obrigatoriu-iha-ambeno

Iha TOP esplika katak vitima ida hosi visum obrigatóriu dezde moris mai sira nia fatin lulik sira, ema nunka bok no nunka kaer, maibe buat hotu nakloke ona bainhira hetan visum obrigatóriu iha Oe-cusse Ambeno. No molok hetan visum Pradet ho Polisia sulan labarik feto sira ne’e durante semana ida iha uma Mahon Pradet.

Ho publikasaun ne’e, Diretór Pradet, Manuel dos Santos ba Neon Metin esplika katak relasiona ho notísia hosi TOP konaba Pradet obriga vitima sira halo visum ne’e la los.

Diretor Pradet hateten lalaok serbisu ne’ebe Pradet halo, lori labarik sira ne’e mai iha fatin hakmatek Oe-cusse, liga ho kazu Topu Honis, Pradet halo serbisu kuandu hetan pedidu ruma hosi Minsteriu Publiku, parseiru sira no VPU konaba fasilita atendimentu ba labarik sira, teknik Pradet nian halo tuir.

Lalaok serbisu ne’ebe lori ou halo to’o labarik sira mai iha Pradet fatin hakmatek Oe-cusse liga ho kazu Topu Honis,  Pradet halo serbisu iha nia fatin, kuandu hetan pedidu ruma hosi Ministériu Públiku, parseiru sira, Vulneravel Person Unit (VPU), kona ba fasilita atendimentu ba labarik sira ne’e mak teknik Pradet nian, halo tuir misaun serbisu iha fatin hakmatek.

“Nee laiha ka la temi dehan obriga vítima ida atu hela iha fatin Hakmatek, atu hetan akomodasaun emerjénsia inklui atu obriga sira atu halo visum ne’e laiha. Visum nee kliente ne’e rasik sei asina karta konsentimentu, se nia konkorda mak foin halo visum no  ezame médiku. Laiha impaktu dehan vitima ne’e rasik sente moras, maibe rekolla deit evidénsia entermus istória akontesimentu, sekarik nia fíziku ruma iha indikasaun, depois mak marka protokolu nia laran, inklui ezame ruma”, dehan Diretór Pradet.

Nia deklara relasiona ho notísia hosi TOP, Diretor ne’e hateten Pradet halo serbisu atendimentu sosiál no psikolojia, ho intensaun atu estabiliza fila fali sentimentu psikolojia kliente maluk ruma, ne’ebe sente trauma, stress tanba hasoru situasaun difikuldade ruma iha nia moris, depois sira seidauk hetan tulun ruma hosi parte ruma, sira mai Pradet hodi halo antendimentu.

Ba kazu Topu Honis Diretor Pradet ne’e esplika katak Pradet halo ezame informasaun hodi halibur informasaun, laos katak atu julga A ka B, tanba Pradet nia parte ne’e prodúz deit istória sira, maluk sira ne’ebe mai iha Pradet ne’e konsidera hanesan kliente, iha evidénsia ruma ne’e sai hanesan provas atu halo julgamentu, maibe ida ne’e kompeténsia Ministériu Públiku mak bele deklara  

 “Pradet la iha intensaun atu fo sai fila fali ba públiku dehan A,B,C ida nee mak tuir ona ezame médiku, informasaun sira nee segredu, karik ida fó daudauk ne’e labarik sira ne’ebé tama iha ne’eba, sira na’in rasik mak konsente sira nia-an hodi fó sai informasaun, mais ne’e la’os guia hosi Pradet atu publika, tanba serbisu ne’ebe Pradet halo, atu asegura no konfidensilidade ba privasidade nee,” hatete Diretór Pradet.

Print Friendly, PDF & Email

LEAVE A REPLY

Please enter your comment!
Please enter your name here