Home Notisia AMP Husu PR Lu-Olo Hakerek Justifikasaun, Jose Luis Dehan Ne’e Dereitu Prerogativu...

AMP Husu PR Lu-Olo Hakerek Justifikasaun, Jose Luis Dehan Ne’e Dereitu Prerogativu PR

1462
0
Konferensia AMP (Foto: Facebook Rhyo CR Ximenes)

Loron 2 liuba (16/11), Aliansa Mudansa ba Progresu (AMP) hakotu ho Resolusaun ida (no.2/2019) husu Presidente Republika, Fransisco Guterres Lu-Olo atu justifika formalmente (iha hakerek) ba PR-RDTL nia pozisaun  kona ba membru polítika sira ne’ebe indijitadu ona. Rezolusaun ne’e mos hatete katak bainhira la iha solusaun ba membru governo indijitadu sira, AMP sei la halo dialogu ho kualkér entidade no personalidade polítika.

Iha Rezolusaun AMP nian, pontu 2 ne’e deklara katak, AMP observa katak membru governo ne’ebe ladauk kompletu kontinua lori prejuizu ba implementasaun programa Governo Konstitusional VIII nian, inklui afeta ba Planu Asaun Annual no Ezekusaun Orsamentu Annual. Tan ne’e solisita ba Sua Exelensia Premeiru Ministru Taur Matan Ruak atu; halo nafatin komunikasaun ho Presidente Republika hodi asegura tomada de posse ba membru governo indijitadu sira; husu ba Presidente da Republika justifika formalmente (por escrito) nia pozisaun konaba membru polítiku sira ne’ebe indijitadu ona; no, bainhira la iha solusaun ba membru governu indijitadu sira, AMP sei la halo dialogu ho kualkér entidade no personalidade polítika.

Jose Luis de Oliveira, membru RENETIL no Diretur AJAR, no mos observador lei no polítika ne’e hatete katak maski AMP halo deklarasaun nune’e, dereitu prerogativu iha Presidente Republik nia liman.

“AMP iha dereitu ba halo expresaun politik. Maibe Presidente da Republika la iha obrigasaun Konstitusional atu responde ba deklarasaun AMP nian. Presidente da Republika iha dereitu prerogativu atu responde ka la responde,” Jose Luis expresa via telefone ba neonmetin.info nia intervista, ohin (18/11).

“Uluk iha Presidente Xanana nia tempu, Xanana mos la fo pose ba Rogerio Lobato. Iha Presidente Taur Matan Ruak nia tempu Taur mos la fo pose ba mana Micato (Red. Maria Domingas Alves)”, Jose Luis hatutan.

AMP halo nia Konferensia ba Da-2, ho tema, “Konsolida AMP Hodi Serbi Diak Liu Povo”, iha Sentru Formasaun Tibar, Liquisa. Konferensia ne’ konklui ho pontus deklarasaun 8 no aplikasaun rezolusaun ho karakter vinkulativu.

LEAVE A REPLY

Please enter your comment!
Please enter your name here