Home Notisia Laiha Inkonstutusionalidade ba Reforma Membru PNTL 158, FM Husu Governu Respeita Prosesu...

Laiha Inkonstutusionalidade ba Reforma Membru PNTL 158, FM Husu Governu Respeita Prosesu Legal Tribunal

1853
0
Diretor Ezekutivu Fundasaun Mahein, Nelson Belo. [Foto: Umbelina | 24.11.2023]

Reportajen Umbelina dos Reis

Diretor Ezekutivu Fundasaun Mahein (FM), Nelson Belo, liu hosi Konferénsia Imprensa hateten, relatóriu Fundasaun Mahein hakarak fó sai ni-nia observasaun kona-ba implementasaun programa 120 dias mandatu ba IX Governu Konstitusional, hosi komprimisiu 12 programa, 120 dias ba governansaun da-IX nian, komprimisiu ida maka konsolidasaun paz no seguransa ne’ebé importante ba dezenvolvimentu nasional, hodi garante sidadaun hotu-hotu nia direitu, dever no liberdade.

Nia dehan, reativasaun ka reintegrasaun ilegal ba membru Polísia Nasional Timor-Leste (PNTL) ne’ebé reforma ona, entaun IX Governu Konstitusional liu hosi Ministériu Interior reve aprezentasaun ba membru PNTL 158 ne’ebé hala’o iha mandatu VIII Governu Konstitusional. Iha ne’ebé IX Governu Konstitusional konsidera nu’udar ‘prosesu ilegal ba aprezentasaun forsada elementus PNTL 158’

“Durante mandatu Governasaun da IX nia Programa 120 dias, reintegra liu hosi Rezolusaun Governu Nú 43/2023, 4 de Outubro, reintegrasaun ne’e sai polémika no Provedoria Direitos Humanos e Justiça (PDHJ) husu ba Tribunal Rekursu halo fiskalizasaun abstrata ba apozentasaun ka reformadu membru PNTL 158, no akordaun ba Tribunal Rekursu nian loron 26 Outubru 2023 notifika katak la iha inkonstitusionalidade ba prosesu aprezentasaun ka reforma ba membru PNTL 158, tanba ne’e FM husu Governu tenke respeita prosesu legal ne’ebé Tribunal Rekursu notifika ona ba Governu no PNTL.” Dehan Diretor Ezekutivu  Fundasaun Mahein Nelson Belo, liu husi  Konferensia Imprensa, iha edifísiu FM kinta-feira 23/11.

Iha sorin seluk, FM aseita ho Governu katak “membru PNTL ne’ebé jura ona atu serbí partidu balu atu dada-an hosi lasus juramentu ka sai husi PNTL” durante mandatu VIII Governu Konstitusional nian. Tuir monitorizasaun FM nian no durante tinan 2020-2023, FM alerta be-beik kona-ba hapara politizasaun ba PNTL, iha ne’ebé promesa promosaun diviza no kargu, tenke ho juramentu ba partidu polítiku balu ne’ebé envolve hosi membru PNTL. Komportamentu ida ne’e tenke kurize tiha ka tenke hasai hosi PNTL, nune’e bele promove valor boot kona-ba integridade, profisionalizmu, izensaun polítika ka partidaria.”

Print Friendly, PDF & Email

LEAVE A REPLY

Please enter your comment!
Please enter your name here