Home Notisia Deputada CNRT Maioria Sedauk Simu Vasina, Carmelita: Oportunidade Uluk Ba Frontline

Deputada CNRT Maioria Sedauk Simu Vasina, Carmelita: Oportunidade Uluk Ba Frontline

469
0
Vasina COVID-19. [Foto: Copyright Kompas | 12.01.2021]

Reportazen Francisco JDA

Partidu Congresu Nasionál Rekonstrusaun Timor (CNRT) to’o agora seidauk simu Vasina AstraZeneca ho razaun katak la’ós frontline no ema ne’ebé presiza simu uluk mak frontline sira, tanba tuir planu governu mós fahe ona porsentu ba ema ne’ebé mak prioridade hetan uluk.

Tuir Xefe Bankada CNRT, Deputadu Duarte Nunes ba jornalista sira hateten la’ós dehan lakohi simu vasina AstraZeneca, maibé tanba peritu sira hateten katak vasina ne’e fo ba ema tinan 60 ba leten la’ós 30 mai kraik tanba ne’e mak husik hein lai hafoin bele simu

“Ita hakarak vasina maibé vasina ne’ebé ema barak rezeita, ne’e mak ami nia preokupasaun, ami nia deklrasaun ne’e fo hanoin ba joven sira katak ema nain ba vasina ne’e mós lakohi sona ba nia ema sira ne’ebé idade 30 mai karaik, ne’ebé la’ós dehan lakohi ita hotu hakarak mais fo hanoin katak ita labele hakarak lalais,” hatete Xefi Bancada Duarte Nunes Iha PN, 26/04

Xefe Bankada ne’e reforsa tan Deputadu sira iha Bankada CNRT maioria seidauk vasina ne’e la’ós instrusaun hosi  Xefe Bankada maibé ne’e liberdade, maibé sira hotu mós tuir teste swab, atu nune’e bele detekta iha Covid-19 ka lae

Entertantu deputada CNRT, Carmelita Moniz informa katak hakarak atu simu vasina AstraZeneca, maibé prioridade ne’e ba frontline, bainhira ema hotu simu ona, hafoin mak bele simu

“Ha’u la tama iha frontline, ne’ebé fó lai kesempatan ba frontline sira, la’ós tanba ha’u lakohi simu ami hein etapa segundu, se etapa segundu ema sira ne’e simu hotu ami mós simu,” hatete Deputada Carmelita Moniz.

Vasina AstraZeneca (AZD1222) nudar vasina hodi preven hosi virus COVID-19. Vasina ne’e nudar kooperasaun entre Universidade Oxford ho AstraZeneca, ne’ebe dezenvolve iha Fevereiru 2020. Vasin ne’e rasik halo ona ezame mediku nian iha Englatera, Brazil no Afrika de Soul.

Print Friendly, PDF & Email

LEAVE A REPLY

Please enter your comment!
Please enter your name here