Home Saude Manorin Sira Iha EBC Laisorolai Sedauk Simu Vasina, Venancio: Prontu Simu Maibe...

Manorin Sira Iha EBC Laisorolai Sedauk Simu Vasina, Venancio: Prontu Simu Maibe Ekipa Saude Sedauk Mai

530
0
Diretor Eskola Ensinu Basico 3 Ciclo (EBC) Laisorolai Sala Paralela Da'e-Mena, Suku Abo Postu-Administrativu Quelicai, Munisipiu Baucau, Venancio Cabral. [Foto: NM | 25.04.2021]

Reportazen Joselina dos Santos

Virus SARS-CoV-2 kontinua sai proekupasaun iha mundu tomak, sa tan iha tinan 2021 ne’e, Timor-Leste konsege hasoru laloran boot, tanba iha pasiente nain 3 ne’ebe diagnostikadu pozitivu COVID-19, ho situasaun grave konsege hakotuk sir ania iis ka bolu ho naran mate ho COVID-19.

Iha fulan Abril ne’e governu mos lansa ona imunizasaun vasina COVID-19 AstraZeneca, ne’ebe distribui ona teritorio laran tomak, hodi fo prioridade ba frontline sira, ema sira ne’ebe iha moras kronis no idade avansadu sira, atu nune’e bele prevene sira nia an no hasae imunidade.

Neon Metin halo entrevista ho Diretor Eskola Ensinu Basico 3 Ciclo (EBC) Laisorolai Sala Paralela Da’e-Mena, Suku Abo Postu-Administrativu Quelicai, Munisipiu Baucau, Venancio Cabral ba Neon Metin hateten sira pronto atu simu vasina AstraZeneca maibe realidade Professores iha eskola EB sedauk simu to’o ohin loron.

“Profesor sira prontu atu simu vasina AstraZaneca tanba programa ne’e governu nian, tanba ne’e kuandu ekipa saude to’o iha fatin ne’e sira prontu atu hetan vasina, hodi prevene-an hosi COVID-19”, dehan Diretor EBC, Venancio Cabral, via telefone iha loron 24/04.

Nia hatutan sekarik ekipa saude sira to’o iha fatin ida ne’e, “ami prontu atu simu vasina maibe dadaun ne’e sei tempu Serka Sanitaria, tanba ne’e maka ami ida-idak hakmatek iha uma no ami seidauk bele ba eskola”.

Iha sorin seluk Profesor Eskola Ensino Basico  Filial  3 Ciclo (EBC), Sala Paralela Da’e-Mena, Jaime Jeronimo hateten  kona-ba simu Vasina AstraZaneca, nudar Profesor iha eskola nia hein desizaun husi superior sira, kuandu simu informasun  husi  ekipa saude ne’e professor sira pronto simu vasia, maibe karik sedauk hetan informasaun hosi superior entaun sedauk bele simu vasina

“Se laiha obrigatoriu hau sente ema balun dalaruma lakohi atu simu, ne’e tuir hau nia observasaun, maibe kuandu obrigatoriu pasensia ema hotu sei simu vasina, ami rona uluk informasaun hosi superior”, dehan  Jaime ba Neon Metin

Profesor Jaime mos konfesa katak informasaun sira ne’ebe espalla iha sosiadade katak vasina COVID-19 sei fo impaktu ba negativu ba ema, no halo ema barak lakohi simu vasina, no dalaruma sei halo ema barak ih suku ne’e lakohi atu simu vasina, maibe Jaime dehan ba nia pesoal sei prontu simu vasina, hodi prevene-an hosi COVID-19.

Iha loron 8 Abril Ministeriu Saude distribui ona vasina AstraZeneca ba municipio hotu, iha Municipio Baucau rasik hetan 1730 doses vasina.

Print Friendly, PDF & Email

LEAVE A REPLY

Please enter your comment!
Please enter your name here