Home Notisia EE Datoluk Fó Fleksibilidade Hodi Hala’o Atividade Eskola no Misa

EE Datoluk Fó Fleksibilidade Hodi Hala’o Atividade Eskola no Misa

3483
0
Primeiru Ministu Taur Matan Ruak. [Foto: Francisco JDA | 26.03.2020]

Reportazen Raimundu Seguerau

Primeiru Ministru (PM), Taur Matan Ruak deklara iha uma fukun Parlamentu Nasional (PN) katak iha Estadu Emerjensia (EE) ba datoluk 3 nian, fó fleksibilidade ba sidadaun sira atu bele hala’o atividade sosiál sira hanesan atividade misa, eskola nomós atividade ekonomiku liu-liu negosiu.

“Hau fiar katak implementasaun estadu emerjensia agora ne’e Kaman liu, di’ak liu i sei fó fatin ba ita nia populasaun sira hodi hahau sira nia atividade normal”, dehan Taur ba jornalista sira iha PN, Dili, Kuarta (27/05).

Nia haktuir medidas EE datoluk ne’e, konsentra de’it ba buat tolu, primeiru mak ba fronteira sira internasional, direitu ba sirkulasaun nomós direitu ba rezistensia. Ne’e signifika katak atividade seluk sei normaliza fila fali importante mak medida sira distansiamentu sosiál no ijene. Ema moras mak laiha, maibé moras sei iha.

Iha sorin seluk, Deputadu Bankada KHUNTO, Antoninho Nobre hateten hanesan deputadu apresiza ba entidades hotu sira hotu tantu husi nasaionál no internasionál sira ninia serbisu hamutuk no apoiu konsege fó susesu ba implementasaun EE ba dala rua ho di’ak.

“Situasaun ne’e ita mantein mekanizmu adekuadu vizilansia, etimolojia ho forma prevensaun no redus oportunidade importasaun Covis-19 mai Timor-Leste. Faktu hatudu ita konsege elemina Covid-19 iha teritoriu nasionál, maibé lasignifika iha livre ona”, nia afirma.

Tan ne’e, governu tenke mantein medidas prevensaun atu Covid-19 ne’e labele tama mai ninia transmisaun iha ita nia populasaun. Ita seidauk aman Covi-19 hotu, ita manan laiha ho sentidu responsabilidade no unidade hasoru inimigu invizivel ida ne’e.

LEAVE A REPLY

Please enter your comment!
Please enter your name here