Reportajen Joanina Casamiro
Bee Timor-Leste, Empreza Públika (BTL,EP), ohin Asina Kontratu ho kompañia manan nain Tansos Lda, atu hala’o Konstrusaun Sistema Fornesimentu Bee Moos ba iha Aldeia Rai-mea, Suku Opa, iha Postu Administrativu Lolotoe, Munisípiu Bobonaro ho oramentu total $ 172,649.82.
Prezidente Bee Moos Timor-Leste, Empreza Públika (BTL, E.P), Carlos Peloi dos Reis, hateten, ohin Asina Kontratu ho kompañia manan nain ne’ebé sei implementa Projetu Konstrusaun Sistema Fornesimentu Bee Moos ba iha Suku Opa, Postu Administrativu Lolotoe, Munisípiu Bobonaro ba komunidade sira. No halo kanalizasaun ba bee moos ne’e ho nia osanmentu $172,649.82, osan ne’e halo deit ba kanalizasaun.
“Ohin ita asina kontratu ida ho ita nia parseiru lokal Kompañia naran Tansos, atu halo servisu kanalizasaun bee moos iha kapital postu lolotoe nian Liu-Liu iha suku opa, projetu ida ne’e sei lori tempu fulan 6 nia laran, ita espera katak buat hotu la’o ho diak atu nune’e iha fulan neen nia laran komunidade sira bele asesu ba bee iha area refere”, Dehan prezidente BTL,EP, ba Jornalista sira iha Salaun BTL,EP kaikoli Segunda 19/06.
Nia esplika, iha Postu kapital Lolotoe nian, iha projetu rua ida ohin asina ne’e, ida tan maka projetu ba halo tanki nia resturasaun, ohin ne’e lansa ona ida kanalizasaun bee moos nian , no populasaun besik mil mak sei asesu ba bee moos ida nee. Ho ida ne’e espera katak ohin asina kontratu ona ho parseiru lokal iha tempu badak ne’e sira bele mobiliza ona sira nian rekursu bara sira bele halo ona servisu dadauk
Iha fatin hanesan, Diretor Kompaña Tansoss,Lda, Agustino Vicente do Santos, haktuiir, sira nia kompañia mak sai vencedór ba projetu kanalizasaun bee mos iha Postu Lolotoe Suku Opa nia, no nia promote sei servisu servisu turi kontratu ne’ebé mak ohin asina ona.
“Ohin loron ami asina kontratu ida ne’e liu husi prosesu lubuk ida iha kompetisaun bainhira submete dokumentus ami mak sai hanesan vencedor to’o ohin loron ami asina kontratu, entaun ami hakarak ne’e implementa tuir planu ne’ebé Prezidente BTL informa ona mai ami, ami sei uza kapasidade atu utiliza metodolia hodi servisu tuir tempu kontratu ne’ebé determina ona,” nia esplika.
Nune’e nia promete, kanalizasaun bee moos ba iha suku Opa ne’e, sira sei esforsu hodi servisu no garantia katak sei remata iha fulan neen nia laran tuir kontratu ne’ebé Prezidente BTL determina ona ba kompañia.
Nune’e mos, Xefe Suku Opa, Posto Administrativu Lolotoe, Munisipio Bobonaro Grasiano Orlando Afonsu, hateten, aldeia rai-mea durante kanalizasaun la’o hela, maibé seidauk asesu bee mos ho di’ak, tanba halo tenderizasaun komesa la’o, maibé retenderizasaun fila fali foin hahú asina akordu.
“Tanba ne’e agradese ba kompania Tansoss Lda, ne’ebe kona tender, hanesan Autoridade lokal prontu kopera ho konpañia kona-ba kulturalmente no sosial Wainhira Kompañia garante katak fulan 6 hotu, entaun autoridade lokal ho komunidade sira sei esforsu maximu hodi realiza Iha tarjetu ne’ebe determina,” nia dehan
Nia konta, Iha postu Lolotoe Iha suku Opa, aldeia tolu hanesan Mape, Tepa, maibé aldeia Tepa tempu bairo bee araska uituan no Aldeia Rai-mea mak agora dadaun hetan tenderizasaun husi kompañia Tansoss Lda, no ohin loron asina ona Kontratu, atu dada ba moos ba komunidade sira iha Aldeia Rai-mea ne’e.
Entertantu, iha Suku Opa, iha Postu Administrativu Lolotoe, Munisípiu Bobonaro uma kain hamutuk 447, no Aldeia Rai-mea ne’ebe agora kompañia Tansoss atu hala’o kanalizasaun bee moos ne’e uma kain 200 resin.
