Home Notisia Komunidade Sira Besik Fronteira Hahu Menus Ai-han, Edinho: Estrada At no Foos...

Komunidade Sira Besik Fronteira Hahu Menus Ai-han, Edinho: Estrada At no Foos La To’o

761
0
transporta fos ba area fronteira iha municipio Covalima. [Foto: Edinho Moniz | 17.03.2021]

Reportazen Zevonia Vieira

Serka Sanitaria ne’ebe sei kontinua Fatumea, municipio Covalima, fo impaktu boot ba komunidade sira iha area afetadu, tanba hahan ka nesesidade baziku hahu menus.

Neon Metin halo entrevista ho membro EKSES COVID20, Edinho Moniz do Rego vai telefone, hodi hetan informasaun relasiona ho situasaun ne’ebe komunidade sira hasoru.

Ba Neon Metin Edinho hateten maske governu haruka ona kompania sira halo intervensaun iha merkadu konaba fos, maibe bainhira serka sanitaria aplika iha Dili kontinua, ne’e fo impaktu ba Covalima no afeta duni komunidade sira menus ai-han ka nesesidade bazika.

Suku hamutuk 19 ne’ebe besik fronteira hanesan Tilomar parte aldeia Oetaba, Wala, Foholulik no area Fatumea, Hali-laran no aldeira sira seluk ne’ebe dook hosi postu, hanesan iha Fatululik kuaze aldeia sira  mak afeta menus ai-han tanba besik ho Fronteira.

“Komunidade sira besik fronteira kuaze afeta hotu, agora iha tempu udan afeta mos ba transporte atu ba area hirak ne’e tanba Estrada at. Ami tenta atu lori fos sira hosi ajudus  total 480 iha semana rua liuba no 300 fos atu lori ba Fatumea, ami koko atu sai horseik maibe labele to’o iha ne’eba tanba kondisaun Estrada la diak,”dehan Edinho via telefone ba Neon Metin, 17/03.

Nia hatutan fos hirak ne’ebe ekipa EkSES COVID20 Covalima halao hela asaun iha soliedariedade iha sede RENETIL Dili, hetan tulun hosi komunidade tomak iha Dili, hodi bele tulun komunidade sira ne’ebe hela iha fatin afetadu to’o ona, maibe fatin balun mak labele distribui, tanba foos la to’o no konsege distribui ona 355 sakas ba postu Fatululik.

Ekipa iha Covalima halo distribusaun foos ba fatin afetadu. [Foto: Edinho Moniz | 17.03.2021]

Komunidade sira ne’ebe hela besik fronteira maioria moris nudar agrikultor, ba Neon Metin Edinho hateten katak iha programa sesta bazika neebe foin lalais governu halo, hahan reserva (cadangan. Read) barak mak komunidade sira faan fali.

“Agora ema atu lori foos hosi Dili ka ba fatin sira ne’ebe implementa serka sanitaria mak hamosu birokrasia barak, nune’e hamosu tan susar boot ba komunidade sira atu komesa hamlaha”, dehan Edinho

Bainhira Neon Metin konfirma konaba iha momentu situasaun normal antes iha transmisaun lokal,  komunidade sira ne’ebe hela besik fronteira, prefere liu hola ai-han iha Atambua-Indonesia ka mai iha Suai Vila? Ba Neon Metin Edinho konfesa katak iha postu Fatumea iha tempu udan ka situasaun normal dalabarak liu, sira ba hola nesesidade bazika iha Atambua tanba kondisaune Estrada ba Atambua diak liu duke mai Suai Vila.

“Iha situasaun COVID-19 implementa serka sanitaria atu ba deit Atambua mos la bele ona ba Suai mos labele hotu no mos labele ba sira nia to’os. Komunidade sira kontinua hasoru problema asesu nesesidade bazika, sa tan kondisaun Estrada ne’ebe la diak”, dehan Edinho

Ekipa serbisu EKSES kontinua halo asaun hodi nune’e komunidade afetadu sira labele akontese hamlaha ba sira nia moris.

Iha fatin hanesan Neon Metin halo entrevista ho Xefe Suku Bee Lulik Leten, Sintino Jose Amaral konaba situasaun komunidade iha fatin afetadu COVID-19.

Ba Neon Metin Xefe Suku Bee Lulik Leten hateten relasiona ho pandemia COVID-19, estadu hasai regulamentu ba serka sanitaria, fo impaktu ba komunidade sira nia moris, tanba sira hasoru problema asesu nesesidade baziku.

“Loza ka kios sira stock ba fos no ai-han sira seluk laiha ona, atividade hotu suspende no labele asesu ba municipiu hodi sosa ai-han ruma, ba nesesidade bazika sira”, dehan Xefe Suku Bee Lulik, via telefone ba Neon Metin.

Ba problema hirak ne’e governu halo ona atendimentu hodi responde difikuldade sira ne’ebe komunidade hasoru?

Ba Neon Metin Xefe Suku hateten Ministeriu relevante, liu-liu Ministeriu Solidariedade Sosial no Inkluzasaun (MSSI) fo ona ajuda fos sakas 480 no ekipa EKSES municipio Covalima dsitribui foos sakas 200 hosi kompania Atauro Express no konsege distribui iha suku Bee Lulik Leten no ajuda ona uma kain 487, maibe tuir Xefe Suku ida ne’e labele aguenta kleur tanba kada familia iha membru ne’ebe bele to’o nain 10 tanba kada famlia hetan foos saka 1 deit.

Iha loron 8 Marsu ekipa iha Covalima distribui fos sakas 480 ba postu Fatumea. Iha loron 12 Marsu ekipa EKSES tula tan fos 240 ba area afetadu hanesan aldeia Onu Laran, Ai Taman, Suku Maudemo Postu Administrativu Tilomar

Ohin loron 17 Marsu ekipa EKSES transporta tan Fos 474 sakas ba Posto Administrativo Fatululik ho Aldeia Hatu no Aldeia Lela Posto Administrativo Maucatar

ekipa sira fahe maskra ba estudante sira. [Foto: Edinho Moniz | 17.03.2021]

Alende ekipa refere mos fahe maskra ba aldeia rua  ho total 1.800pcs, laos deit mak komunidade agrikultor  maibe fahe mos fos ba UPF, posto Polisia sira, polisia tranzito sira, ba eskola sira, Sede Suku no komunidade sira iha Makaorecisa.

Tuir informasaun ne’ebe Neon Metin rekolla katak iha Fatumea folin fos sae $16.00 no stock mos laiha ona. Iha Zumalai moss ae ba $16.00 no iha Suai Vila $12.00 – $13.00

Print Friendly, PDF & Email

LEAVE A REPLY

Please enter your comment!
Please enter your name here