Reportajen Umbelina & Agustinha
Forum Organizasaun Naun Governamental Timor-Leste (FONGTIL) realiza atividade lansamentu livru peskiza adisional ho tema “ONG nasional sira ne’ebe menus kapasidade finanseiru atu kumpri lei traballu hodi garantia direitu traballador” tanba iha ita nia lei ne’e fo oportunidade boot ba traballdor hodi hetan direitu traballador nian, maibe na realidade la kondiz ho lei ne’ebe mak vigor iha konstituisaun RDTL.
Diretor Ezekutivu FONGTIL, Valentim da Costa hateten, objetivu hosi peskiza ne’e foti sampel de’it mai hosi organizasaun 137 (atus ida tolu nulu resin hitu) ne’ebé ke mai hosi membru atus rua resin entaun peskiza ne’e reprezenta depois ida ne’e hotu mak sei divulga, nune’e futuru oinsá mak tenki refleta ba lei númeru 4 nia lala’ok.
“Peskizador na’in rua, enumerador na’in tolu maka la’o nune’e peskiza ne’e ami halo konbinasaun no peskiza liu hosi online no direta. Nune’e membru balun limitasaun ho lina internet entaun labele hetan informasaun kredivel, maibé espera rekomendasaun balun kontinua haruka, ami halo peskiza hodi detekta katak, tanba sá mak fukun ne’e labele funsiona.” Dehan Diretor Ezekutivu Valentim da Costa ba Jornalista sira iha edifisiu FONGTIL, Kaikoli, sesta-feira 29/09.
Koordenador Programa Advokasia, Saturnino Piedade hateten, objetivu hosi peskiza ne’e tanba uluk membru hosi ONG ne’e barak maibé kada tinan númeru ONG sempere tun ba be-beik, nune’e primeiru ita koko hodi hatene nia problema ne’e saida? Segundu ita haree konaba funsionáriu balun halerik hela konaba direitu lei traballu númeru 4/2012 espesifiku ba artigu 59, 55 no 44, artigu hirak ne’e dala barak seidauk implementa maibé tanba ne’e ita rona de’it, nune’e oinsá mak ita halo advokasia ne’ebé forte ne’e presiza dadus.
“Liu hosi peskiza ne’e oinsá ami bele kolleta dadus, entaun bazeia ba dadus iha membru FONGTIL hamutuk 270 Internasional no nasional, maibé nasional de’it hamutuk 242 (atus rua haat nulu resin rua) maibé uza iha sampul 137, maibé peskiza ne’e uza métodu rua, estudu kualitativu no kuantitativu.”
FONGTIL realiza programa ne’e tanba hetan apoiu hosi USAID ho orsamentu 3000, peskiza ne’e hosi munísipiu 12 inklui RAEOA.
Iha fatin hanesan reprezentante Servisu de Apoio à Sociedade Civil e Auditório Social (SASCAS) José da Silva hatete, SASCAS ho FONGTIL parseiru iha 2023 hamutuk 152 organizasaun tantu grupo ho CDO ne’ebe mak ita apoiu tinan ida ne’e nia timeline ne’ebé mak implementa to’o iha dezembru, karik balun to’o janeiru ha’u introdus de’it husi projetu sira ne’ebé tinan ida ne’e ita apoiu liga ba lansamento peskiza ida ne’e, ba SASCAS importante tebes.
“Oinsá ita hadi’a di’ak liu tan ba futuru, ita bele integra liu-liu ba lei, lei inplementan atu nune’e ita bele senti katak fo modifikasaun ba ita nia traballador sira liu husi prosesu, lei fo grante.” Dehan José.
Liga ba seguransa sosial, durante ne’e SASCAS haree katak importante no balu kompri maibé tenki mai ho ida-idak nia salarial.
“Lei garante servisu ho sosiadade sivil nafatin apoiu ba ida ne’e, teknikamente 10% 500 mil ba leten 4% tama ho seguransa sosial 10% ida ne’e mak durante ne’e ita implementa.”
