Home Meio Ambiente Lixu Plastiku Iha Tasi Laran, Kontribui Ba Kontaminasaun Masin Tasi

Lixu Plastiku Iha Tasi Laran, Kontribui Ba Kontaminasaun Masin Tasi

135
0
Lixu plastiku namkari iha tasi ibun, fo ameasa ba animal tasi laran. [Foto: Santina Lucia da Costa | 18.11.2019]

Reportazen Santina Lucia da Costa

Problema lixu la ses hosi ema nia leet, la ses hosi ema nia hanoin. Lixu nia impaktu negative ba ema ho animal nia moris sae ameasadu.

Situasuan ne’ebe Timor-Leste hasoru konaba lixu plastiku no kaleng, ne’ebe namkari iha tasi ninin, halo tasi nia furak la sai murak, bainhira ema lao tasi ibun, ema la horong taxi nia morin, maibe horong los deit lixu nia dois.

Ida ne’e mak akontese iha sidade Dili, tasi ibun la sai bonita, tanba deit haleu ho lixu plastiku no kaleng. Karik ida ne’e akontese tanba konsiensia hosi ema nian hodi hadomi ambiente mak mohut ona?

Problema laos ba animal tasi deit, dadus hosi National Geographic hatudu katak, preokupasaun konaba kontaminadu plastiku iha tasi laran aumenta as, alende fo beneno ba biodiversidade iha tasi laran, sei bele daet ba iha masin tanba hetan kontaminasaun mikroplastiku.

Liu hosi peskiza hatudu katak mikroplastiku iha masin laran no ikan sira hatudu katak iha 10 – 20 partikula mikro kada kilagrama iha masin laran, ne’e sei bele hamosu moras ba ema ne’ebe consume masin.

Tuir peskiza hatudu katak impaktu negative hosi lixu ne’ebe soe ba tasi laran maka biodiversidade tasi laran ninian movimentu sei lao la diak, tanba ikan sira kait iha lixu plastiku kaleng sira iha tasi laran. Animal tasi laran konsumu lixu plastiku sira iha tasi laran, tanba hanoin ida ne’e hahan.

Lixu plastiku no kaleng sira iha tasi laran bele estraga tasi been sai foer, lixu disturba atividade desportu tasi nian hanesan Surfar [Selancar. Red] no Mergulho [Menyelam. Red] no Tasi ne’ebe kontaminadu ona sei bele hamosu moras ba ema no animal tasi nian.

Jornalista Neon Metin dada lia ho komunidade sira ne’ebe hela besik tasi ibun, komunidade iha Motael, Antonio Gomes hateten, ema balun la iha konsiensia hodi soe lixu arbiru, rezultadu mak sei fo impaktu ba ema nia saude.

“Soe lixu arbiru, udan monu rai, bee lori ba tasi no hafoer tasi, halo vizitante sira mós labele vizita fatin refere, no sei fo impaktu negativu mos ba ita nia riku soin iha tasi laran”, tenik Antonio Gomes

Lixu ne’ebe soe iha tasi ibun no to’o ba iha tasi laran, ameasa biodiversidade tasi laran, ho risku ida ne’e Antonio husu hodi halo aprosimasaun ba komunidade, hodi nune’e bele muda sira nia hahalok

Iha sorin seluk, komunidade Aitarak-laran, Nelson Manuel, hateten katak atu lixu la bele naklekar, maka tenki soe lixu iha nia fatin, ne’ebe mak governu prepara ona.

“Iha tempu udan lixu sei estraga balada tasi sira no bele afeta mós ba ita nia saude, wainhira ita konsumu ikan tasi nian. Soe lixu arbiru mak tempu udan, laos fo impaktu ba ita deit, maibé mós ba ita nia animal sira ne’ebe mak iha tasi laran afeitadu no ikus ita konsumu fali, entaun fó impaktu mós ba ema nia vida mos”, tenik Nelson.

Tuir Nelson nia observasuan, dalaruma peskador sira kail ikan, sira kail fali lixu plastiku, “Hau sente triste tebes ho ambiente ida ne’ebe foer, ita kail ikan, kail fali plastiku”.

Iha fatin hanesan Estudante Universidade Nasional Dili (UNDIL), Departamentu Saude Publika, Abel Mira mós observa katak tasi ibun sidade dili nakonu ho foer.

“Ohin ami observa tasi ibun husi Lecidere mai to’o farol foer barak liu, no ita presiza halo promosaun ba komunidade sira, hodi la bele soe lixu arbiru, tanba ambiente la moos, sei afeta ba ema nia saude, liu-liu bele hetan moras diareia, malaria no dengue”, esplika estudante Abel Mira ba Jornalista Neon Metin Iha Aitaral Laran.

Iha parte seluk akademista Manuel Belo husu Ministeriu Agrikultura e Pescas [MAP], hodi halo prevensaun ba komunidade sira, atu la bele soe lixu arbiru iha tasi ninin no mota laran, tanba lixu sira sei tama to’o iha tasi laran.

Manuel Belo hatutan katak mudansa klimatiku ne’ebe akontese ,tanba ema tesi ai arbiru, “impaktu ida husi mudansa klimatika ida mak ema tesi ai arbiru, soe lixu arbiru, entaun bele mos hamosu ona impaktu ba iha mudansa klimatika no bele halo mos rai monu no seluk tan”.

 

 

 

 

 

LEAVE A REPLY

Please enter your comment!
Please enter your name here