Home Notisia RENETIL ho MEJD Asina Akordu Ba Konsultasaun Kurríkular Sekulu 21 iha Komunidade...

RENETIL ho MEJD Asina Akordu Ba Konsultasaun Kurríkular Sekulu 21 iha Komunidade Edukativu

1323
0
Sekretariu Jeral RENETIL Juaquim "Russo" Fonseca no Diretor Jeral MEJD Antoninho Pires asina akordu ba konsultasaun kurrikul iha MEDJ. [Foto: Zevonia Vieira | 15.11.2019]

Reportazen Zevonia Vieira

Organizasaun Resistência Nacional dos Estudantes de Timor-Leste (RENETIL) asina Nota de Intendementu hamutuk ho Ministeriu Edukasaun Juventude no Desportu [MEJD] konaba Konsultasaun Kurríkulu Sekulu 21 iha Komunidade Edukativu.

Liu hosi asina akordu ne’e, Diretor Jeral MEJD, Antoninho Pires, hateten, asinatura ba akordu hodi servisu hamutuk ho RENETIL no NGO Belun, atu halo konsultasaun ba iha kurríkulu. Politika Ministeriu Edukasaun nian nakloke ba parte hotu, ne’ebe bele fo kontribuisaun dependente ba iha posibilidade, ba iha kapasidade hosi organizasaun sira, hodi servisu hamutuk, hodi alkansa objetivu prinsipal MEJD nian, maka atu bele hetan edukasaun ida ho kualidade iha Timor.

Esforsu hotu ne’ebe ita hotu halo, ho objetivu ida deit katak atu bele atinji kualidade edukasaun ne’ebe diak iha Timor. Ami hein katak ho asinatura ida ne’e, ita hotu bele halao ita nia knaar, bele alkansa to’o nia rohan. Ita hatene katak kurríkulu ne’e buat ida ne’ebe dinamiku, ita persiza servisu hamutuk no bele adapta loloos kurríkulu ida ne’ebe bele adekuadu ba ita nia rain, kultura no sosiedade ida ne’e,” hateten Diretor Jeral, iha salaun MEJD, 15/11.

Iha fatin hanesan Sekretariu Jeral RENETIL, Joaquim “Russo” da Fonseca hateten, RENETIL nia karakter no pozisaun iha rai ukun an, agora kontinua eziste ho nafatin misaun ida, ho konsiensia revolusionariu atu partisipa iha prosesu rekonstruksaun nasional. Ida ne’e mak dala barak halo RENETIL diferente oituan ho organizasaun sira seluk, tanba mai hosi istoria ida ne’ebe distintu.

“Iha kontestu ida ne’e maka ami sente hanesan onra boot ida, bainhira hetan konvite hosi MEJD, atu partisipa iha konsultasaun ida ne’e. Iha fulan balun ba kotuk, ami deskuti oituan iha organizasaun nia laran, hodi fo iis oituan mai MEJD, atu halibur no buka hatene ema nia hanoin konaba edukasaun baziku iha Timor. To’o iha ne’ebe ona nia halo ninia knaar, atu liberta rai ida ne’e, tanba RENETIL nian hanoin, prosesu libertasaun nudar prosesu kontinuasaun, ida ne’e tenke lao nafatin, to’o iha loron ida ne’ebe povu tomak bele edukadu, sai hosi nakukun no sai hosi moras, ida ne’e mak ita nia obra foin hotu,” hateten Joaquim “Russo” da Fonseca

Sekretariu Jeral RENETIL hatoo agredese wain ba MEJD, tanba fo konfiansa ba RENETIL, atu atu partisipa iha konsultasaun ida ne’e. Iha pasadu RENETIL partisipa iha atividade lubuk ida,, ho natureza ne’ebe hanesan, maibe liu-liu iha area konaba promosaun da paz. RENETIL ho komitmentu ida katak RENETIL sei servisu hamutuk ho maluk sira hosi NGO Belun no bele hetan duni nia susesu no bele apoia MEJD atu melhora kurríkulu ba ensinu baziku nian.

Objetivu hosi konsultasuan ida ne’e katak halo revizaun kurrikulár ba siklu datoluk Ensinu Báziku nian (klase 7-9). Nu’udar parte ida hosi esforsu atu fornese edukasaun ho kualidade aas tebes, Ministériu sei lidera prosesu revizaun ida-ne’e, ne’ebé sei hahú hodi foka ba avaliasaun kle’an ba kurríkulu atuál, atu bele fó sai rekomendasaun sira-ne’ebé bele aplika ba melloramentu.

Tuir akordu ne’ebe iha ona, entre RENETIL ho MEJD, katak sei kobre iha Munisipiu hanesan Aileu, Ainaro, Covalima no Manu-fahe. Hosi parte NGO Belun sei kobre iha Munisipio Baucau, Bobonaro, Dili, Ermera, Liquisa, Manatuto, Lautem, Viqueque no RAEOA.

 

Print Friendly, PDF & Email

LEAVE A REPLY

Please enter your comment!
Please enter your name here