Home Notisia Virgilio “Lamukan” Re-eleitu Ba Prezidente Konsellu Imprensa 2021-2025

Virgilio “Lamukan” Re-eleitu Ba Prezidente Konsellu Imprensa 2021-2025

552
0
Virgilio Guterres iha konferensia AJTL. [Foto: Santina Lucia da Costa | 05.07.2020]

Reportazen Bernarda da Costa

Virgilio Guterres da Silva “Lamukan” re-eleitu nudar Prezidente Konsellu Imprensa ba periodu 2021-2025. Kandidatu ba Prezidente Konsellu Imprensa mak Virgilio Guterres nomeiadu hosi Asosiasaun Jornalista Timor Lorosa’e (AJTL) no Expedito Dias Ximenes nomeiadu hosi Parlamentu Nasional (PN). Iha Eleisaun ne’e Virgilho Guteres hetan votus 3 no Expeditu Ximenes hetan votus 2

Liu hosi konferensia imprensa Prezidente eleitu, Virgilio Guterres hato’o benvindo ba konselleiru eleitu nain tolu hanesan Expedito Dias Ximens, Otelio Ote no Benevides Coreia Baros nebe hetan nomeasaun atu mai kontribui ba Konsellu Imprensa.

“Hau fo apresiasaun no konfiansa bot tebes ba kolega sira nebe mak hili hau atu kontinua hanesan Prezidente Konsellu Imprensa, ba termu foun ninian ba iha tinan 4 tuir mai”, dehan Virgilio Guterres ba jornalista sira, hafoin remata eleisaun iha edifisu KI, Kintal Boot, 25/01.

Prosesu eleisaun ne’ebe mak lao simples, involve ema nain 5 hanesan Benevidos Coreia Barros ,Expedito Dias Ximenes ,Francisco Belo Simoes da Costa, Otelio Ote no Virgilio Guterres, hodi hili sekretu.

“Prosesu simplis ne’e refleta mos natureza Konsellu Imprensa nian katak Konselu Imprensa moris atu defende duni liberdade de opiniaun no liberdade espresaun, nebe sidadaun sira halo no liberdade sira ne imprensa mak sai espasu, hodi hato’o divergência sira ne’e.

Nia hateten tuir lei sira mai ho background ka peritus rasik, entaun ho nomeasaun ida ne’e atu hatudu katak sei reflete rede de komunikasaun nebe Konselu Imprensa sira hato’o ba media nain sira ho prezensa Otelio Ote nian, sei kontinua hametin komunikasaun ne’ebe mak durante ne’e iha ona.

“Ami nain 5 nebe eleitu laos atu halo impozisaun ruma ba media nain ka jornalista sira tuir ami nia hakarak, maibe sei iha buat ruma nebe mak halao depende ba lei komunikasaun sosial no mos estatutu Konselu Imprensa ne’ebe fo kompetensia ba ami. Ida ne’e mak Konsellu Imprensa nia serbisu atu hato’o no sosializa ba media nain sira”, dehan Virgilio Guterres

Konaba komunikasaun entre asosiasaun sira, Virgilio Guterres dehan Konselu Imprensa nudar orgaun ka instituisaun estadu nian ne’ebe iha mandatu, atu apoia organizasaun sira ne’e hodi kapasita jornalista sira.

Virgilio subliña media ka jornalista sira nia serbisu atu sai ponte komunikasaun entre povu, leitor no ukun nain sira.  Buat importante nebe hamosu iha jornalizmu maka integridade profesional no solidadriedade ba malu.

LEAVE A REPLY

Please enter your comment!
Please enter your name here