Home Saude Sidadaun Estranjeiru nain 3 Konfirmadu Positivu COVID-19, Atual Baixa Sae Ba 17

Sidadaun Estranjeiru nain 3 Konfirmadu Positivu COVID-19, Atual Baixa Sae Ba 17

500
0
Koordenador Pilar VII COVID-19, Dr. Nilton do Carmo da Silva. [Foto: David da Costa | 24.01.2021]

Reportazen David da Costa Gusmao

Ministeiru Saude ohin Loron 24 Janeiru resjista tan ema nain tolu konfirmadu positivu COVID-19.

Liu hosi konferensia imprensa, Koordenador Pilar VII COVID-19, Dr. Nilton do Carmo da Silva relata katak nain tolu ne’ebe konfirmadu positivu COVID-19 nudar sidadaun Brazileiru, kompostu hosi aman idade 48, inan idade 45 no oan idade 16 agora dadauk iha sala izolamentu Vera Cruz.

Sira nain tolu asintomatiku ka laiha sintomas, maluk hirak ne’e ita lori ona ba iha sala izolamento vera cruz”, dehan Dr. Nilton ba jornalista sira iha Palaciu da Cinzas, Kaikoli 24/01.

Nia esplika sira nain tolu sai husi Brazil ba Indonesia, iha loron kuarta 20 Janeiru hosi Atambua mai Timor-Leste, liuhusi entrada Mota-ain ho grupu ida ne’ebe hamutuk ema nain 118 no sidadaun nain tolu ne’e iha Dili halo auto-kuarentina iha Otel Timor Resort. Sira ne’ebe halo auto kuarentina hamutuk nain lima, maibe sidadaun estranjeiru hotu.

“Sira nain tolu nia swab ka amostra foti iha 22 Janeiru no rezultadu positivu relata iha 22 Janeiru, ami muda kedas sira nain tolu ba iha Vera Cruz”, nia hateten.

Entertantu dadus akumulativu teste 18.260, hein rezultadu 319, akumulativu kazu 67, akumulativu rekupera 50, kazu foun 3, atual baixa 17, rezultadu negativu 18.237.

Total kuarentina 266 kompostu husi Dili 137, munisipiu 129, auto kuarentina  178 husi Dili 174, muncipiu 4 no pasa ona ba  iha loron 14 hamutuk 7.382, husi Dili 6.118, Munisipiu 1.264.

LEAVE A REPLY

Please enter your comment!
Please enter your name here