Home Meio Ambiente MOP ho Portugal Servisu Hamutuk, Hodi Apoio Formasaun iha Area Engenaria

MOP ho Portugal Servisu Hamutuk, Hodi Apoio Formasaun iha Area Engenaria

100
0
MOP ho Portugal hamutuk ho ekipa sira iha formasaun konaba enginaria. [Foto: Francisco Jose De Almeida | 08.10.2019]

Reportazen Francisco Jose De Almeida

Editor: Zevonia Vieira 

Ministeriu Obras Publikas [MOP] halo kooperasaun ho Portugal hodi fo espasu ba funcionário, liu-liu iha diresaun sira ne’ebe iha relasaun ho estradas pontes ho laboratorio nasional peskiza desenvolvimento, hodi fo kapasitasaun durante fulan neen nia laran.

Ministro Obras Publika, Eng Nicolau Lino F Belo hatete, objetivu husi formasaun ne’e mak oinsa bele kapasita funsionario sira, nune’e bele intende diak liu tan asuntus sira ne’ebe iha relasaun dinamika ho Estradas, pontes no laboratorio nasional

“Hare ba iha kapasitasaun foti Perito sira husi Portugal atu mai fo kpasitasaun ba ita nia funsionario sira liu-liu Engeneiro iha diresaun MOP komposto husi Diresaun Nasional Estradas, Pontes, Kontrolu no Laboratorio Nasional Peskiza desenvolvimento”, hateten Nicolau, iha JL Vila, 08/10.

Nicolao realsa liu tan, materia sira ne’ebe aprende durante iha formasaun mak oinsa bele hasae koinesementu ba funsionario sira kona ba konstrusaun ba iha laboratorio no seluk tan

Iha fatin hanesan Direitor Nasional Peskiza Desenvolvimentu Laboratorio Nasional, Eng Satornino Gomes hateten, MOP iha papel no planu ne’ebe importante tebes atu asegura kona ba kualidade hodi hare kona ba estradas, Pontes Laboratorio no seluk tan

“Atu asegura ninia kualidade bazea ba justifikasaun tecniko ne’ebe iha tanba ne’e mak material sira ne’ebe utuliza presisa tuir padraun tecniko ka lae halo depois halo tratamentu ba estrutrura ne’ebe iha”, esplika Satornino

Satornino mos hatutan, prosesu laboratorio bazeia ba estandarte operasionais no prosedur ne’ebe mak iha material sira ne’ebe atu halo konstrusaun presisa hahu husi ensaiu iha laboratorio tanba ne’e mak husi abertura treinamentu ne’e material sira ne’ebe atu halo konstrusaun presisa ensaiu husi laboratorio hafoin halo konstrusaun.

 

LEAVE A REPLY

Please enter your comment!
Please enter your name here