Home Notisia Embaixador Sahara Agradese Tanba TL Rekonnese Sira Nudar Estadu Ida

Embaixador Sahara Agradese Tanba TL Rekonnese Sira Nudar Estadu Ida

364
0
Diskusan Neon Metin konaba Luta Sahara Ocidental. [Foto: Santina Lucia da Costa | 24.01.2021]

Reportazen Adalgisa Pereira

“Sahara Ocidental mos hakarak kontinua kontaktu ho povu Timor, tamba ida ne’e mak sei bele halo publiku Timor-Leste hatene kona ba situasaun iha Sahara, nune sira hakarak atu bele ezerse sira nia direitu ba autodeterminasaun”. Embaixador Sahara Ocidental

Resistência Nacional dos Estudantes de Timor-Leste (RENETIL) ho Neon Metin realiza diskusaun konaba Luta Sahara Ocidental no SolidariedadeTimor-Leste ba povu Saharawi.

Liu hosi diskusan refere, Embaixador Sahara Ocidental iha Timor-Leste, Slama Badi ba jornalista sira hateten reuniaun ohin ne’e diak tebes, iha benefisiu no importante, tamba Sahara nia objetivu atu halo koneksaun laos deit ba governu Timor-Leste maibe ba mos ba povu Timor-Leste.

“Reuniaun ohin ne’e di’ak tebes iha benifisiu no importante lao hanesan liña ida ho embaixada Sahara nian iha Dili, tanba ninia objetivu misaun principal ida husi embaixada ninia mak atu mantein kontaktu nafatin ho povu Timor laos deit ho governu”, dehan Embaixador Saharawi, Mohamed Slama Badi

Nia dehan alende ne’e sira nia papel ofisial halo koneksaun ho instituisaun estadu nian, Sahara Ocidental mos hakarak kontinua kontaktu ho povu Timor, tamba ida ne’e mak sei bele halo publiku Timor-Leste hatene kona ba situasaun iha Sahara, nune sira hakarak atu bele ezerse sira nia direitu ba autodeterminasaun.

Iha fatin hanesan Sekretariu Jeral RENETIL,  Joaquim Fonseca “Russuo” hateten diskusaun ida ne’e halo, tanba embaixador Sahara Ocidental hakarak fahe informasaun liuliu ba jornalista sira, atu bele halo reportajen regural kona-ba sira nia situasaun, embaixador mos agradese tamba Timor-Leste bele rekonese sira nudar estadu ida. 

“Tamba ita nia maluk sira husi Embaixada Sahara Ocidental hakarak mai fahe informasaun ba jornalista sira, atu bele halo reportajen regural konaba sira nia situasaun. Timor-Leste laos hanesan rai fuik ida, maibe rai belun ida, rai ida ne’ebe sira konsidera maun alin. Sira agradese tanba durante ne’e Timor-Leste nia pozisaun ofisial apoia Sahara Ocidental no rekonese Sahara Ocidental  hanesan estadu ida no loke embaixada iha ne’e”, dehan Sekretariu Jeral RENETIL, iha fundasaun Haburas, 23/01.

Nia hatutan tan katak Timor-Leste mos liu husi situasaun ida ne’e, esforsu rasik no solidaridade husi rai seluk, ho nune’e povu Timor bele ukun an.

“Timor-Leste nia pozisaun oficial apoia povu sira ne’ebe mak luta ba sira nia direitu auto determinasaun, RENETIL mos la hases-an,  tenke hamrik metin iha fatin no pozisaun ida ne’e atu apoia povu Sahara nia luta”, dehan Russuo

Diskusaun ne’e hetan partisipasaun hosi jornalista nasional sira, estudante universitariu, ativista direitu humanus no Prezidente Konsellu Imprensa.

Sahara Ocidental, ho naran istoriku mak Saguiet el-Hamra no Wadi ed Dahab “Rio de Oro”.  Tuir Geografika luan hosi nasaun ne’e 266.000 kilometru kuadradus. Rai Sahara fronteira ho Maroko iha parte Ocidental, ho Aljazair parte Leste, Mauritania iha parte Sul no sudeste no oseanu Atlântiku iha Oeste.

Fracasso (kegagalan) hosi Nasoens Unidas depois de tinan 16 funu hasoru okupasaun Maroko no depois intervensaun Unidu Afrika no Nasoens Unidas, proposta akordu hatoo ba parte rua, hosi Sekretariu Jeral Nasoens Unidas. Iha tinan 1988 ba Maroko no Frente Polisario iha ona akordu hodi resolve konflitu. Iha akordu ne’e rasik esplika katak tenke foti solusaun ne’ebe justu, hodi halo referendum sem intervensaun hosi military ka administrativu. Iha proposta ne’e atu iha posibilidade povu Sahara Ocidental uza sira nia direitu autodeterminasaun hodi entre ukun rasik an ka integrasaun ho Maroko.

LEAVE A REPLY

Please enter your comment!
Please enter your name here