Reportajen David da Costa
Organizasaun naun Governamentál, Forum Komunikasaun ba Feto Timor-Leste (FOKUPERS), iha tinan ida ne’e, hahú husi janeiru to’o Jullu rejistu kazu violensia hamutuk 126, no kazu maioria maka violensia fisika, tuir tan maka violensia sekxual 26 no abuzu seksual 8, 8, asediu seksual 1, incestu 6, violensia Piskologia 3, Violensia fatin publiku 14, no violensia seluk 1
Liu husi komfrensia imprensa, Ofisial Advokasia Fokupers, Rio Araújo, hatete, ohin loron Fokupers marka tan pasu ida ho ezistensia iha nia Jornada iha luta kontra desiguldade, kontra aktus violensia hotu hasoru feto no labarik feto iha Timor-Leste. Tinan 28, Fokupers alkansa nia missaun no vizaun entre susesos, desafius no barreiras, normas sosias ne’ebé sei kontinua diskrimina, minimiza no mos violensia ne’ebé kontinua as.
Tamba Saida mak feto no labarik feto kontinua sai alvu ba violensia? Pergunta ne’e laos deit Fokupers nian, Maibe ESTADO Timor-Leste tenki haree injustisa no lia los ne’ebe sei konsidera hanesan desafiu iha implementasaun ba lei sira ne’ebe asegura sidaun hotu liu feto sira hodi moris livre no independente.
“Tinan 2025, husi Janeiro to Julho, to’o oras ne’e kazu ne’ebe Fokupers atende no rejista hamutuk kazu 126 husi tipu kazu Violensia fizika, Violensia Seksual, Abuzu Seksual, asediu seksual, incestu no kazu sira seluk, violensia bazeia jeneru hasoru feto no labarik-feto ne’ebé akontese iha relasaun familia ka domestika no mos iha publiku,” dehan Ofisial Advokasia Fokupers Rio de Araújo, iha edifisiu Fokupers farol, tersa 15/07
Iha fatin hanesan Ofisial Legál Fokupers, Vilfrida Machado Frenandes, hatete, ba kazu sira ne’ebe maka ohin mensiona tipu kazu sira ne’e, oinsa Fokupers bele resolve ba kazu sira hanesan ne’e, durante ne’e Fokupers serbisu hamutuk ho preseiru sira, kazu krime sira Fokupers labele resolve no sei lori ba Tribunal no remta iha tribuanl, prosesu legal ba oin.
“kazu sira ne’e ami sempre servisu hamutuk ho parseiru sira hanesan Alfela, JSMP, bainhira kazu ne’e arguidu hetan ona kastigu, entaun vitima sira, hakarak fila fali ba sira nia hela fatin, ami sei halo preacement no re-entegra fali ba vitima nia familia sira. Ita haree fila fali ba kazu minoridade liu-liu ba kazu incestu, kazu violasaun seksual ba minoridade ami nafatin halo aprosimasaun ho parseiru sira refere fila fali ba iha eskola
dala barak sira labele fila fali ba iha eskola sira uluk eskola ba, entaun Fokupers servisu hamutuk ho parseiru sira hanesan MSSI atu haree eskola ida ne’ebe maka seguru no bele simu sira nia kondisaun, barak liu Fokupers refere fila fali sira ba eskola iha munisipiu, la’os Munisipiu ida uluk hetan kazu violensia maibé sira konrtinua eskola fila fali iha Munsipiu seluk.
Ba sira ne’ebe maka adultu ne’ebe hetan violensia dometika, entaun iha Fokupers iha programa ida, fó fundus uituan ba vitima violensia domestika atu nune’e sir abele kontinua fila fali sira nia moris, liuhusi fó osan uituan ba vitima sira, atu sira bele kontinua halo bisnis ruma, ida ne’e maka fokupers nia intervensaun bainhira vitima sira nia kazu remata.
FOKUPERS (Forum Komunikasaun ba Feto no Perseveransa) mak organizasaun lokál Timor-Leste ne’ebé fó enfáze ba direitu feto, protesaun kontra violénsia, no empoderamentu feto iha aspektu sosial, ekonómiku no polítiku. Servisu FOKUPERS nian importante tebes iha defende direitus umanus, liu-liu feto sira ne’ebé vitima violénsia.
