Home Saude Swab Test Massal Pendente, Odete: Sei Konsentra Ba Planu Vasina nian

Swab Test Massal Pendente, Odete: Sei Konsentra Ba Planu Vasina nian

147
0
ilustrasaun halo swab test ba covid-19. [Foto: copyright google | 19.01.2021]

Reportazen David da Costa Gusmao

Planu hosi Ministeriu Saude (MS) atu halo screening massal ka Swab test sei la realiza iha loron Segunda 24 Janeiru.

Liu hosi konferensia imprensa jornalista Neon Metin konfirma ba Koordenador Jeral COVID-19, Odete da Silva Viegas konaba oinsa Ministeriu Saude bele kontrola Swab test massal, atu la akontese fallansu ruma?

Ba Neon Metin Koordenador Jeral Odete Viegas hatan screening massal ba loron Segunda sedauk bele halo, tanba sei konsentra ba planu kontizensia ne’ebe sei submeter ba Konsellu Ministru konaba vasinasaun nian.

Nia dehan esforsu hotu governu liu husi Ministeru Saude buka posiblidade oinsa atu halo prevene sedu, atu nune’e bele hetan karik iha tramisaun lokál.

“Ita boot sira mos haree hela katak ami mos hala’o hela serbisu ida, atu halo preparasun ba iha vasinasaun nian, tanba ne’e mak screening ne’e ami seidauk bele realiza, maibe iha tempu oin mai, ita boot sira sei hatene karik screening ne’e ami bele realiza”, dehan Odete ba Neon Metin iha palacio das Cinzas, liu hosi konferensia imprensa, 23/01.

Nia afirma katak screening massal sedauk bele halo iha semana ne’e, tanba ekipa COVID-19 sei konsentra ba planu kontizensia vasina nian ne’ebe presiza submeter ba Konsellu Ministru

Print Friendly, PDF & Email

LEAVE A REPLY

Please enter your comment!
Please enter your name here