Home Notisia Luta Sahara Ocidental, Russuo: RENETIL Prontu Apoiu

Luta Sahara Ocidental, Russuo: RENETIL Prontu Apoiu

1775
0
SekJen RENETILI Juaquim Fonseca ho Embaixador Sahara Ocidental, Slama Badi. [Foto: Santina Lucia da Costa | 24.01.2021]

Reportazen Zevonia Vieira

Organizasaun Resistência Nacional dos Estudantes de Timor-Leste (RENETIL) no Neon Metin organiza diskusaun ho Embaixador Sahara Ocidental, Slama Badi ho topiku Luta Saha Ocidental no Solidaridade Timor-Leste.

Objetivu hosi diskusaun Neon Metin ne’e ho objetivu atu povu Timor kontinua fo solidaridade ba Sahara Ocidental nia luta kontra okupasaun Moraco ne’ebe liu ona tinan 16, ne’ebe Morako manda nia military 20.000 hodi provoka funu hasoru povu Sahara Ocidental.

Iha diskusaun ne’e Sekretariu Jeral RENETIL, Juaquim Fonseca “Russuo” hatoo ba embaixador Slama Badi katak RENETIL pronto fasilita embaixador SAHARA hodi individualmente loke komunikasaun ho membru RENETIL sira ne’ebe tur iha governu no tur iha Parlamentu Nasional, hodi haforsa tan influensia internasional hodi luta kontra okupasaun Maroko nian.

“RENETIL pronto apoiu no fasilita hodi hasoru membru RENETIL sira iha governu no Parlamentu. Ida ne’e parte hosi knaar ida ne’ebe ami halo tanba Sahara nudar nasaun ida ne’ebe mos uluk f onia solidariedade ba prosesu luta Timor nian ba ukun rasik-an, Sahara ho Timor nudar maun alin”, hateten SekJen RENETIL, iha fundasaun Haburas, 23/01.

Iha tempu hanesan Embaixador Sahara Ocidental, Slama Badi hateten Sahara koko uza mekanizmu no dalan ne’ebe bele hetan benefisiu diak hosi esperiensia maluk Timor liu hosi rezistensia ne’ebe naruk kontra okupasaun Indonesia no konsege ukun rasik an.

“Maske geografika Sahara ho Timor-Leste dook malu, maibe ba Sahara sente besik los tanba nasaun rua ne’e nia luta ne’ebe hanesan ba ukun rasik-an. Timor-Leste besik los mai ami, ami konsidera ida ne’e esperiensia importante mai ami”, dehan Slama Badi.

Nia hatutan Timor-Leste sai hanesan modelnu ba ami no hanesan maun alin, tanba iha situasaun ne’ebe hanesan luta ba ukun an, ami presiza apoiu liu hosi estadu no povu Timor ba solidaridade, hametin liutan komunikasaun, serbisu hamutuk hodi haforsa liutan influensia internasional nian, hodi atinji mehi ne’ebe povu Sahara hakarak.

Sahara Ocidental, ho naran istoriku mak Saguiet el-Hamra no Wadi ed Dahab “Rio de Oro”.  Tuir Geografika luan hosi nasaun ne’e 266.000 kilometru kuadradus. Rai Sahara fronteira ho Maroko iha parte Ocidental, ho Aljazair parte Leste, Mauritania iha parte Sul no sudeste no oseanu Atlântiku iha Oeste.

Fracasso (kegagalan) hosi Nasoens Unidas depois de tinan 16 funu hasoru okupasaun Maroko no depois intervensaun Unidu Afrika no Nasoens Unidas, proposta akordu hatoo ba parte rua, hosi Sekretariu Jeral Nasoens Unidas. Iha tinan 1988 ba Maroko no Frente Polisario iha ona akordu hodi resolve konflitu. Iha akordu ne’e rasik esplika katak tenke foti solusaun ne’ebe justu, hodi halo referendum sem intervensaun hosi military ka administrativu. Iha proposta ne’e atu iha posibilidade povu Sahara Ocidental uza sira nia direitu autodeterminasaun hodi entre ukun rasik an ka integrasaun ho Maroko.

Print Friendly, PDF & Email

LEAVE A REPLY

Please enter your comment!
Please enter your name here